रत्न प्रजापति
Our Authors
रत्न प्रजापतिले साहित्यका विभिन्न विधामा कलम चलाउँदै आउनुभएको छ । उहाँका 'चराका कथा', 'चराहरूको घुमघाम', 'कमिलाको क्याराभान', 'इञ्जिनियर चरा', 'हात्तीको क्याटवाक', 'सानुकाजीको बुख्याँचा', 'आकारको घाउ', 'फ्याउराको दौरा', 'मुसालाई माला', 'पुतलीको मामाघर', 'बाँदरको वनभोज', 'चङ्गा चेट', 'गौरी र मौरी', 'जूनकीरी र झ्याउँकीरी' जस्ता बालसाहित्यका पुस्तकहरू प्रकाशित छन् ।
उहाँका 'रित्तो रथ', 'स्वच्छन्द साँझ', 'बदाम बेच्ने केटी', 'सेतो बादल', 'बिसञ्चो' जस्ता कथा सङ्ग्रह साथै 'मनको तरङ्ग' गीत सङ्ग्रह र 'मधुमास' गजल सङ्ग्रह पनि प्रकाशित छन् ।
२०२५ साल चैत्र १ गते लोकन्थली, भक्तपुरमा जन्मिएका प्रजापतिले समाजशास्त्रमा स्नातकोत्तरसम्मको अध्ययन पूरा गर्नुभएको छ । नेपाल स्रष्टा समाज, जनहित समाज नेपाल, नेपाल व्यवस्थापन संघलगायतका संस्थामा आबद्ध प्रजापतिले फेडोल उत्कृष्ट सिर्जना सम्मान, पुष्पपराग वर्ष सम्मान र गजलश्री सम्मान जस्ता पुरस्कार प्राप्त गर्नुभएको छ ।
विभिन्न पुस्तक र पत्रपत्रिकाको सम्पादनमा सक्रिय रहेका प्रजापति अर्थ–सामाजिक लेख निबन्ध र पुस्तक समिक्षा लेखनमा पनि उत्तिकै सक्रिय हुनुहुन्छ ।
Books from the Author रत्न प्रजापति
