Menu

रस्किन बन्ड

रस्किन बन्ड
रस्किन बन्ड

रस्किन बण्ड चर्चित भारतीय लेखक हुनुहुन्छ । ब्रिटिस सेनामा कार्यरत ‌औब्रे अलेक्जेण्डर बण्ड र एडिथ क्लार्कको सन्तानका रुपमा सन् १९३४ मे १९ मा भारतको कसौलीमा जन्मनुभएका रस्किन बण्डले सन् १९९२ मा साहित्य एकादमी पुरस्कार, सन् १९९९ मा पद्म श्री र सन् २०१४ मा पद्म भुषण जस्ता भारतीय सम्मान र पुरस्कार प्राप्त गर्नुभएको छ ।

अङ्ग्रेजी भाषामा सृजनात्मक लेखन गर्ने बण्डका द ब्लू अम्ब्रेला, एङ्ग्री रिभर, अ फ्लाइट अफ पिजन्स, आवर ट्रिज स्टील ग्रो इन् डेह्रा, द रुम अन द रुफ जस्ता पुस्तकहरू चर्चित छन् । बण्डको 'द ब्लू अम्ब्रेला'माथि भारतमा 'निली छतरी' नामको फिल्म समेत बनेको छ । उत्तराखण्डको मसुरीमा बस्ने बण्डका उपन्यास र कथामा भारतका पहाडी क्षेत्रको जनजीवन चित्रित हुने गरेको छ । उनका कथा र उपन्यासमा आउने 'रस्टी' पात्र बालबालिका र किशोरकिशोरीबीच निकै लोकप्रिय छ ।

बण्डको उपन्यास 'द ब्लू अम्ब्रेला' साथै उनका दुई अन्य कथाहरुलाई परिचय पब्लिकेसनले 'निलो छाता' र 'बुद्धिमानीका कथा' शिर्षकमा दुई पुस्तक नेपाली बजारमा ल्याएको छ ।

Books from the Author रस्किन बन्ड