350.00
निलो छाता
Description
सुन्दर निलो रेशमी छाता देख्नासाथ बिन्याले त्यो छाता आफ्नो बनाउन चाहिन् । उनलाई निलो छाता यति धेरै मन पर्यो कि त्यसलाई पाउन आफूले लगाइरहेको चितुवाको नङ्ग्रा भएको जन्तरसमेत साट्न तयार भइन् । त्यति राम्रो छाता गाउँभरि कसैसँग थिएन । गाउँमा छाताका कारण बिन्याको आहारिस गर्नेहरू पनि धेरै थिए । तीमध्ये सबैभन्दा बढी डाह गर्नेमा गाउँका बुढा पसले रामभरोस पनि थिए । उनले त्यो सुन्दर निलो छाता आफ्नो बनाउने हठ पालेका थिए र अनेक तिकडमसमेत गरेका थिए ।
यो बिन्या, रामभरोस र त्यही निलो छातासम्बन्धी एउटा छोटो र रमाइलो उपन्यास हो । यसले भारतको गढवाल नजिकको एउटा गाउँको कथा प्रस्तुत गर्दछ । यस उपन्यासमा सामान्य पात्रहरू नायक बनेर देखापर्छन् । रस्किन बण्डले अङ्ग्रेजी भाषामा लेख्नुभएको यस उपन्यासको परिवेशलाई जस्ताको तस्तै राखेर नवीन खतिवडाले अनुवाद गर्नुभएको हो ।
रस्किन बन्ड
About the Author
रस्किन बण्ड चर्चित भारतीय लेखक हुनुहुन्छ । ब्रिटिस सेनामा कार्यरत औब्रे अलेक्जेण्डर बण्ड र एडिथ क्लार्कको सन्तानका रुपमा सन् १९३४ मे १९ मा भारतको कसौलीमा जन्मनुभएका रस्किन बण्डले सन् १९९२ मा साहित्य एकादमी पुरस्कार, सन् १९९९ मा पद्म श्री र सन् २०१४ मा पद्म भुषण जस्ता भारतीय सम्मान र पुरस्कार प्राप्त गर्नुभएको छ ।
अङ्ग्रेजी भाषामा सृजनात्मक लेखन गर्ने बण्डका द ब्लू अम्ब्रेला, एङ्ग्री रिभर, अ फ्लाइट अफ पिजन्स, आवर ट्रिज स्टील ग्रो इन् डेह्रा, द रुम अन द रुफ जस्ता पुस्तकहरू चर्चित छन् । बण्डको 'द ब्लू अम्ब्रेला'माथि भारतमा 'निली छतरी' नामको फिल्म समेत बनेको छ । उत्तराखण्डको मसुरीमा बस्ने बण्डका उपन्यास र कथामा भारतका पहाडी क्षेत्रको जनजीवन चित्रित हुने गरेको छ । उनका कथा र उपन्यासमा आउने 'रस्टी' पात्र बालबालिका र किशोरकिशोरीबीच निकै लोकप्रिय छ ।
बण्डको उपन्यास 'द ब्लू अम्ब्रेला' साथै उनका दुई अन्य कथाहरुलाई परिचय पब्लिकेसनले 'निलो छाता' र 'बुद्धिमानीका कथा' शिर्षकमा दुई पुस्तक नेपाली बजारमा ल्याएको छ ।
Read More
