300.00
सुरुङको बाटो
Description
बालबालिकाकाको रोमाञ्चक यात्रा र रहस्यको खोजी ब्रजेश खनालकोको 'सुरुङको बाटो' बाल उपन्यास हो ।
बालबालिकाहरू स्वभावैले जिज्ञासु र मेहनती हुने कुरा सुरुङको बाटाे उपन्यासले देखाएको छ ।
ब्रजेश खनाल
About the Author
ब्रजेश खनाल नेपाली चलचित्र रङ्गमञ्च र साहित्यमा समर्पित बहुआयामिक व्यक्तित्व हुन् । उनका 'जुनेली' र 'यायावर' नामका दुई उपन्यास प्रकाशित छन् । त्यसैगरी उनको 'साइड हिरो' नामको संस्मरणात्मक गैरआख्यान पनि प्रकाशित छ । उनको चौथो कृति बालबालिकाका लागि तयार पारिएको बाल उपन्यास 'सुरुङको बाटो' हो ।
विक्रम सम्वत् २०२२ चैत १४ गते जन्मिएका ब्रजेशले हालसम्म ५० भन्दा बढी चलचित्रमा कथा, पटकथा र संवाद लेखेका छन् । 'मिलन', 'सारङ्गी' र 'छक्कापञ्जा ५' जस्ता केही नेपाली चलचित्रमा उनले अभिनय पनि गरेका छन् । उनले लेखेका प्रमुख चलचित्रहरूमा 'विजय पराजय', 'नाता', 'ट्रक ड्राइभर', 'मोहनी', 'सोल्टिनी', 'बादल', 'टुहुरो', 'करोडपति', 'नेपाली बाबु', 'बादल पारि', 'गोठालो', 'भाउजू', 'परिभाषा', 'भिष्म प्रतिज्ञा', 'मेघा' आदि हुन् ।
अङ्ग्रेजी र पत्रकारितामा स्नातक तहसम्म अध्ययनपश्चात पाँच वर्ष नबिल बैङ्कमा काम गरेका ब्रजेशले नेपाल टेलिभिजनको पहिलो धारावाहिक 'पञ्चतन्त्र'बाट अभिनय यात्राको थालनी गरेका थिए । उनले 'अपुताली', 'आँखा', 'पावर हाउस', 'मार्शल', 'सुनको फूल' र 'आफ्नो कमाइ' जस्ता चर्चित टेलिफिल्महरूमा अभिनय गरेका छन् ।
उनले कान्तिपुर, नयाँ पत्रिका, अन्नपूर्ण पोष्ट, नागरिक र द काठमाण्डु पोष्ट आदि दैनिक पत्रिकामा विभिन्न विषयमा कलम चलाउँदै आएका छन् । करिब ८ वर्ष 'नेपाल साप्ताहिक'मा 'बायाँ फन्को' स्तम्भ लेखेका ब्रजेशले पछिल्लो पटक 'बाह्रखरी अनलाइन'मा लेख्ने गरेको स्तम्भ 'फाइँफुट्टीराज अर्थात् फाफुरा' निकै लोकप्रिय रह्यो । उनका स्तम्भहरूमा हास्यव्यङ्ग्य चेत भरपुर भेटिन्छ ।
उनले अभिनय र चलचित्र लेखनका लागि थुप्रै पुरस्कार र सम्मान प्राप्त गरेका छन् ।
Read More
देवेन्द्र पाण्डे देवेन
About the Illustrators
देवेन्द्र पाण्डे ‘देवेन’ नेपालका चर्चित कार्टुनिष्ट एवम् इलस्ट्रेटर हुनुहुन्छ । विक्रम सम्वत् २०३१ कार्तिक ८ गते काठमाडौँमा जन्मनुभएका पाण्डे देवेन नामबाट कार्टुन र चित्रहरू बनाउनु हुन्छ ।
उहाँले 'मचानमा म', 'मामाघरको रोपाइँ', 'कुखुरी', 'सुरुङको बाटो', 'तोरीबारी', 'चिन मलाई', 'ऋतु', 'डहरको भूत', 'चमचम चङ्गा र लिलिपुट', 'चराको घुमघाम', 'डुङ्गामा सलल', 'अआ पढ्ने बेला', 'ऐया र आत्था', 'को हो हँ कखगघङ', 'गाउँदै गन्दै जान्छु', 'घ्यार्रघुर्र', 'चराका कथा', 'झ्याउँझ्याउँ झ्याउँकिरी', 'एकीकृत क्रियाकलापमा आधारित बालकेन्द्रित क्रियाकलापहरु' लगायतका सयौँ पुस्तकहरुमा चित्र बनाउनु भएको छ ।
सृजना कलेज अफ फाइन आर्ट्सको ग्राफिक कम्युनिकेसन विभागमा प्राध्यापनमा संलग्न देवेनले त्रिभुवन विश्वविद्यलय अन्तर्गत ललितकला क्याम्पसबाट फाइन आर्ट्समा प्रथम श्रेणी सहित स्नातक तह पुरा गर्नुभएको छ । हाल उहाँ नेपाल रिपब्लिक मिडिया प्रा लिका प्रकाशनहरू नागरिक दैनिक, रिपब्लिका दैनिक, शुक्रबार साप्ताहिक र परिवार मासिकमा नियमित रुपमा कार्टुन र इलस्ट्रेसन बनाउनुहुन्छ । उहाँले कान्तिपुर दैनिक, द काठमाण्डु पोष्ट र कामना प्रकाशन समुहका पत्रपत्रिकाहरूमा पनि कार्टुन र इलेस्ट्रेसनको काम गर्नुभएको थियो ।
कार्टुनिष्ट क्लब नेपालका पूर्व कोषाध्यक्ष देवेन आर्टिस्ट्स सोसाइटी नेपालको समेत सदस्य हुनुहुन्छ । उहाँले नेपालको कला क्षेत्रको इतिहासमा पहिलो पल्ट सन् २००३ मा नेपाल आर्ट काउन्सिलमा पप–अप्स कार्ड डिजाइनको एकल प्रदर्शनी गर्नुभएको थियो । उहाँले काठमाडौँ र फुकुआमा, जापानमा सम्पन्न विभिन्न चित्रकला प्रदर्शनीहरूमा सहभागी भई आफ्ना चित्रहरू प्रदर्शन गर्नुभएको छ ।
उहाँले चित्रकारका रुपमा नेपालका लागि संयुक्त राष्ट्रसंघिय मानव अधकार उच्च आयुक्तको कार्यालय, युनेस्को, रुम टु रिड भारत र नेपाल, प्राक्टिकल एक्सन, सेभ द चिल्ड्रेन आदि अन्तर्राष्ट्रिय संघसंस्था र निकायसँग पनि काम गर्नुभएको छ ।
उहाँले नेपाल बालसाहित्य समाजबाट सन् २००७ मा उत्कृष्ट चित्रकारको पुरस्कार प्राप्त गर्नुभएको छ भने नेपाल परिवार नियोजन संघले आयोजना गरेको पोष्टर डिजाइन प्रतियोगिता सन् २००० साथै सेभ द वर्ल्ड पोस्टर डिजाइन प्रतियोगीता ११९३ जस्ता प्रतिस्पर्धामा सर्वोत्कृष्टको पुरस्कार हात पार्नुभएको छ । देवेनले २०६६ सालमा हेमगंगा युवा कला प्रतिष्ठानबाट युवा कला प्रतिभा पुरस्कार प्राप्त गर्नुभएको छ । उहाँले श्रीलंकाको कोलम्बोमा सन् १९९८ मा सम्पन्न दक्षिण एशियाली पोष्टर तथा कला प्रतियोगितामा समेत प्रथम स्थान हासिल गर्नुभएको छ ।
सम्पर्क - [email protected]
Read More
