350.00
बुद्धिमानीका कथाहरू
Description
यस पुस्तकमा रस्किन बण्डका दुई कथाहरू Dust on the mountains र Wild Fruits को नेपाली अनुवाद धुलाम्मे पहाड र जङ्गली फल सङ्ग्रहित छन् । धुलाम्मे पहाडमा दुर्गम पहाडी गाउँमा लामो समय सुक्खा याम चल्दा परिवारका लागे शहर पस्न बाध्य विष्णु भन्ने बालपात्रको कथा छ । जङ्गली फल शिर्षकको कथामा चाहिँ दुर्गम पहाडका भौगोलिक कठिनाइ र जताततै पाइने जङ्गली फलहरुको उपलब्धतालाई एकसाथ देखाइएको छ ।
भारतको मसुरी आसपासको परिवेशमा बण्डले धेरै अघि लेखेका यी कथा हाम्रो परिवेशमा आज पनि सान्दर्भिक छन् । बण्डले सामान्य घटनाहरूको कथानक बुन्दै पहाडी जनजीवन र तिनमा परिरहेका असरहरुको असाधरण चित्र प्रस्तुत गरेका छन् ।
रस्किन बन्ड
About the Author
रस्किन बण्ड चर्चित भारतीय लेखक हुनुहुन्छ । ब्रिटिस सेनामा कार्यरत औब्रे अलेक्जेण्डर बण्ड र एडिथ क्लार्कको सन्तानका रुपमा सन् १९३४ मे १९ मा भारतको कसौलीमा जन्मनुभएका रस्किन बण्डले सन् १९९२ मा साहित्य एकादमी पुरस्कार, सन् १९९९ मा पद्म श्री र सन् २०१४ मा पद्म भुषण जस्ता भारतीय सम्मान र पुरस्कार प्राप्त गर्नुभएको छ ।
अङ्ग्रेजी भाषामा सृजनात्मक लेखन गर्ने बण्डका द ब्लू अम्ब्रेला, एङ्ग्री रिभर, अ फ्लाइट अफ पिजन्स, आवर ट्रिज स्टील ग्रो इन् डेह्रा, द रुम अन द रुफ जस्ता पुस्तकहरू चर्चित छन् । बण्डको 'द ब्लू अम्ब्रेला'माथि भारतमा 'निली छतरी' नामको फिल्म समेत बनेको छ । उत्तराखण्डको मसुरीमा बस्ने बण्डका उपन्यास र कथामा भारतका पहाडी क्षेत्रको जनजीवन चित्रित हुने गरेको छ । उनका कथा र उपन्यासमा आउने 'रस्टी' पात्र बालबालिका र किशोरकिशोरीबीच निकै लोकप्रिय छ ।
बण्डको उपन्यास 'द ब्लू अम्ब्रेला' साथै उनका दुई अन्य कथाहरुलाई परिचय पब्लिकेसनले 'निलो छाता' र 'बुद्धिमानीका कथा' शिर्षकमा दुई पुस्तक नेपाली बजारमा ल्याएको छ ।
Read More
