160.00
सर्पको गाउँ
Description
यो कथा सङ्ग्रह हो । यसभित्र ४ ओटा कथा छन् । कथाहरू सर्पका आहार, बासस्थान, उनीहरूको पर्यावरण र मानवसँगको सम्बन्ध आदि विषयमा केन्द्रित छन् । बालबालिकामा पठन सीप र पढ्ने बानीको विकास गराउन उपयोगी छ । लेखन तथा सिर्जनात्मक अभिव्यक्ति कलाको प्रष्फुटनमा समेत सहयोग गर्छ ।
यशु श्रेष्ठ
About the Author
यशु श्रेष्ठ बालसाहित्य सृजनामा सर्वाधिक व्यस्त स्रष्टा हुनुहुन्छ । विक्रम सम्वत् २०३९ असोज १० गते धादिङको गजुरीमा जन्मनुभएका श्रेष्ठका २०० भन्दा बढी पुस्तक बालबालिका लागि प्रकाशित भइसकेका छन् ।
बालबालिकालाई नेपाली मात्राहरूको चिनारी गराउने मात्राअनुसारका चित्रकथाहरूको दुई ओटा शृङ्खला परिचय पब्लिकेसनबाट प्रकाशित गराउनुभएका श्रेष्ठका 'झिँगासँग लडाइँ', 'पहरेदार सिन्का र बोरा', 'गुलाफको फूल', 'छेपारो र बिरालो', 'उज्यालो आकाश', 'फेरि खुसी आउनेछ', 'सुकाएको धान', 'कसको कपाल', 'रमाइलो खेतबारी', 'रहरै रहर', 'पन्टु र परी', 'सर्पको गाउँ', 'छुकछुक', 'मनको लड्डु', 'बाँस मेला', 'सानी हजुरआमा', 'खुसी खुसी', 'जे पनि मुखैमा', 'चिलमाथि घर', 'बनेली', 'सानो छहारी', 'उल्टो जुत्ता' सहितका बालपुस्तक प्रकाशित छन् । उहाँले बालबालिकाका लागि शब्दविहीन चित्रकथा, चित्रकविता, चित्रकथा र अध्याय पुस्तकहरूसम्मका पठन सामग्री लेख्नुभएको छ । उहाँले झण्डै उत्तिकै सङ्ख्यामा बालपुस्तकहरूको सम्पादन पनि गर्नुभएको छ ।
रौतहटको चन्द्रपुर स्थायी घर भएका श्रेष्ठ बालबालिका र बालसाहित्यसँग सम्बन्धित विभिन्न पत्रपत्रिका जर्नल र अन्य प्रकाशनहरूको सम्पादनमा पनि संलग्न रहँदै आउनुभएको छ । नेपाल बालसाहित्य समाजका पूर्व महासचिव श्रेष्ठ कथावाचक समाजका पनि महासचिव हुनुहुन्छ ।
समाजशास्त्रमा स्नातकोत्तर पूरा गरेका श्रेष्ठले केटाकेटी उत्कृष्ट लेखक सम्मान–२०६१, नूर गङ्गा राष्ट्रिय बालसाहित्य नवप्रतिभा पुरस्कार–२०६९, नेपाल बालसाहित्य समाज उत्कृष्ट बालपुस्तक लेखन पुरस्कार–२०७४ प्राप्त गर्नुभएको छ । उहाँको बालपुस्तक 'उल्टो जुत्ता'मा आधारित बालचलचित्र 'जुनूको जुत्ता'ले काठमाडौँ अन्तर्राष्ट्रिय पर्वतीय चलचित्र महोत्सवमा उत्कृष्ट कथानक पुरस्कार प्राप्त गरेको थियो भने ६६औँ अन्तर्राष्ट्रिय सर्ट फिल्म फेस्टिभल ओवरहोउसेन जर्मनीमा उत्कृष्ट सर्ट फिल्म अवार्ड प्राप्त गरेको थियो ।
यशु श्रेष्ठ शैक्षिक सामग्री निर्माण, कथा लेखन, कथावाचनलगायतका विषयमा कार्यशालाहरू सञ्चालनमा समेत सक्रिय हुनुहुन्छ ।
उहाँ हाल ललितपुर जिल्लाको महालक्ष्मी नगरपालिका-९, लामाटारमा बसोबास गर्दै आउनुभएको छ ।
Read More
सुनील थापा
About the Illustrators
सुनिल थापा नेपाली ललितकलामा सक्रिय नाम हो । २०३५ भदौ १८ गते नवलपरासीमा जन्मनुभएका थापा ललितकलामा स्नातक हुनुहुन्छ ।
उहाँले चित्र बनाउनुभएका मेरो पहिलो किताब म त घर कमिला गाउने कथा भुक्यो कुकुर मोटे गैँडा रिसाएको हात्ती रुखमा बल र सर्पको गाउँ लगायतका बालपुस्तक प्रकाशित छन् । उहाँको चित्राङ्कनमा खनिउँ खोज्न जाँदा वनका माली आदि शिर्षकको पुस्तक पनि प्रकाशित छ ।
उहाँले सेभ द चिल्ड्रेन वर्ल्ड इजुकेसन रुम टु रिड जस्ता संस्थासँग चित्राङ्कनका काम गर्नुभएको छ । नवलपरासी बर्दघाटका थापाले केहि समय काठमाडौँका विभिन्न शिक्षण संस्थामा कला प्रशिक्षकका रुपमा समेत काम गर्नुभएको छ ।
सम्पर्क - [email protected]
Read More
