रोशन पोखरेल
Our Authors
रोशन पोखरेल बाल तथा युवा पाठकहरूका प्रिय लेखक हुनुहुन्छ । पेसाले बैङ्कर पोखरेलले बाल पाठकहरूका लागि चित्रकथा, किशोरकिशोरीका लागि अध्याय पुस्तक र युवा पाठकहरूका लागि रोचक उपन्यासहरू सिर्जना गर्नुभएको छ ।
२०३८ साल भदौ १७ गते झापाको भद्रपुरमा जन्मनुभएका पोखरेलले त्रिभुवन विश्वविद्यालयबाट एमबिएस्सम्मको अध्ययन पूरा गर्नुभएको छ । नेपाल बैंक लिमिटेडमा कार्यरत पोखरेल साहित्यमा पनि उत्तिकै व्यस्त हुनुहुन्छ । उहाँका 'खितखित खितखित', 'ऐया र आत्था', 'गन्तव्य', 'पातले वनको त्यो दिन', 'पागल लेखक', 'माग्न नसकेको माफी', 'ठूलो घण्टी', 'सानी र बादल', 'चञ्चलेको यात्रा', 'मिस्टर गौरब', 'बलभद्र', 'लडाकु माछा', 'टोपी कसको', 'बास्ना आउने बाँसुरी', 'नोर' जस्ता पुस्तकहरू प्रकाशित छन् ।
नेपाल स्काउटको पेट्रोल लिडरसम्मको तालिम प्राप्त गर्नुभएका पोखरेल सामाजिक क्रियाकलापहरूमा समेत उत्तिकै सक्रिय हुनुहुन्छ ।
Books from the Author रोशन पोखरेल
