250.00
ऐया र आत्था
Description
यो दुई बिरालोले दुध खान गरेको प्रयासको कथा हो । उनीहरूले भान्सामा राखेको दुध खान अनेक जुक्ति लगाउँछन् । उनीहरू सफल होलान् त ?
रोशन पोखरेल
About the Author
रोशन पोखरेल बाल तथा युवा पाठकहरूका प्रिय लेखक हुनुहुन्छ । पेसाले बैङ्कर पोखरेलले बाल पाठकहरूका लागि चित्रकथा, किशोरकिशोरीका लागि अध्याय पुस्तक र युवा पाठकहरूका लागि रोचक उपन्यासहरू सिर्जना गर्नुभएको छ ।
२०३८ साल भदौ १७ गते झापाको भद्रपुरमा जन्मनुभएका पोखरेलले त्रिभुवन विश्वविद्यालयबाट एमबिएस्सम्मको अध्ययन पूरा गर्नुभएको छ । नेपाल बैंक लिमिटेडमा कार्यरत पोखरेल साहित्यमा पनि उत्तिकै व्यस्त हुनुहुन्छ । उहाँका 'खितखित खितखित', 'ऐया र आत्था', 'गन्तव्य', 'पातले वनको त्यो दिन', 'पागल लेखक', 'माग्न नसकेको माफी', 'ठूलो घण्टी', 'सानी र बादल', 'चञ्चलेको यात्रा', 'मिस्टर गौरब', 'बलभद्र', 'लडाकु माछा', 'टोपी कसको', 'बास्ना आउने बाँसुरी', 'नोर' जस्ता पुस्तकहरू प्रकाशित छन् ।
नेपाल स्काउटको पेट्रोल लिडरसम्मको तालिम प्राप्त गर्नुभएका पोखरेल सामाजिक क्रियाकलापहरूमा समेत उत्तिकै सक्रिय हुनुहुन्छ ।
Read More
देवेन्द्र पाण्डे देवेन
About the Illustrators
देवेन्द्र पाण्डे ‘देवेन’ नेपालका चर्चित कार्टुनिष्ट एवम् इलस्ट्रेटर हुनुहुन्छ । विक्रम सम्वत् २०३१ कार्तिक ८ गते काठमाडौँमा जन्मनुभएका पाण्डे देवेन नामबाट कार्टुन र चित्रहरू बनाउनु हुन्छ ।
उहाँले 'मचानमा म', 'मामाघरको रोपाइँ', 'कुखुरी', 'सुरुङको बाटो', 'तोरीबारी', 'चिन मलाई', 'ऋतु', 'डहरको भूत', 'चमचम चङ्गा र लिलिपुट', 'चराको घुमघाम', 'डुङ्गामा सलल', 'अआ पढ्ने बेला', 'ऐया र आत्था', 'को हो हँ कखगघङ', 'गाउँदै गन्दै जान्छु', 'घ्यार्रघुर्र', 'चराका कथा', 'झ्याउँझ्याउँ झ्याउँकिरी', 'एकीकृत क्रियाकलापमा आधारित बालकेन्द्रित क्रियाकलापहरु' लगायतका सयौँ पुस्तकहरुमा चित्र बनाउनु भएको छ ।
सृजना कलेज अफ फाइन आर्ट्सको ग्राफिक कम्युनिकेसन विभागमा प्राध्यापनमा संलग्न देवेनले त्रिभुवन विश्वविद्यलय अन्तर्गत ललितकला क्याम्पसबाट फाइन आर्ट्समा प्रथम श्रेणी सहित स्नातक तह पुरा गर्नुभएको छ । हाल उहाँ नेपाल रिपब्लिक मिडिया प्रा लिका प्रकाशनहरू नागरिक दैनिक, रिपब्लिका दैनिक, शुक्रबार साप्ताहिक र परिवार मासिकमा नियमित रुपमा कार्टुन र इलस्ट्रेसन बनाउनुहुन्छ । उहाँले कान्तिपुर दैनिक, द काठमाण्डु पोष्ट र कामना प्रकाशन समुहका पत्रपत्रिकाहरूमा पनि कार्टुन र इलेस्ट्रेसनको काम गर्नुभएको थियो ।
कार्टुनिष्ट क्लब नेपालका पूर्व कोषाध्यक्ष देवेन आर्टिस्ट्स सोसाइटी नेपालको समेत सदस्य हुनुहुन्छ । उहाँले नेपालको कला क्षेत्रको इतिहासमा पहिलो पल्ट सन् २००३ मा नेपाल आर्ट काउन्सिलमा पप–अप्स कार्ड डिजाइनको एकल प्रदर्शनी गर्नुभएको थियो । उहाँले काठमाडौँ र फुकुआमा, जापानमा सम्पन्न विभिन्न चित्रकला प्रदर्शनीहरूमा सहभागी भई आफ्ना चित्रहरू प्रदर्शन गर्नुभएको छ ।
उहाँले चित्रकारका रुपमा नेपालका लागि संयुक्त राष्ट्रसंघिय मानव अधकार उच्च आयुक्तको कार्यालय, युनेस्को, रुम टु रिड भारत र नेपाल, प्राक्टिकल एक्सन, सेभ द चिल्ड्रेन आदि अन्तर्राष्ट्रिय संघसंस्था र निकायसँग पनि काम गर्नुभएको छ ।
उहाँले नेपाल बालसाहित्य समाजबाट सन् २००७ मा उत्कृष्ट चित्रकारको पुरस्कार प्राप्त गर्नुभएको छ भने नेपाल परिवार नियोजन संघले आयोजना गरेको पोष्टर डिजाइन प्रतियोगिता सन् २००० साथै सेभ द वर्ल्ड पोस्टर डिजाइन प्रतियोगीता ११९३ जस्ता प्रतिस्पर्धामा सर्वोत्कृष्टको पुरस्कार हात पार्नुभएको छ । देवेनले २०६६ सालमा हेमगंगा युवा कला प्रतिष्ठानबाट युवा कला प्रतिभा पुरस्कार प्राप्त गर्नुभएको छ । उहाँले श्रीलंकाको कोलम्बोमा सन् १९९८ मा सम्पन्न दक्षिण एशियाली पोष्टर तथा कला प्रतियोगितामा समेत प्रथम स्थान हासिल गर्नुभएको छ ।
सम्पर्क - [email protected]
Read More
