170.00
सुपर आमा
Description
परिवारको काम र एक आमाले घरपरिवारमा गर्ने कामको कदर गर्न सिकाउने पुस्तक ।
अनुराधा
About the Author
विक्रम सम्वत् २०३४ मङ्सिर १ गते नुवाकोटको त्रिशुलीमा जन्मिएको अनुराधा सिर्जनात्मक लेखन, अनुवाद र सम्पादनमा सक्रिय हुनुहुन्छ । लेखन कार्यशाला र गोष्ठीहरूको आयोजना र सञ्चालनमा पनि सक्रिय अनुराधासँग नेपालका विभिन्न पाँच जिल्लामा ‘बाजेबज्यैको कथा : मेरो चित्र’ कार्यक्रम सञ्चालन गरेको अनुभवसमेत छ ।
उहाँका सुपर आमा, को होला, सानी पोची, चिडियाखाना घुम्न जाँदालगायतका दर्जनौँ बालचित्रकथा र कविताका पुस्तक प्रकाशित छन् । युवा पाठकहरूका लागि यति भेट्ने केटी, मेरो कथाको एलियन, छमछमको छमछमी जस्ता अध्याय पुस्तक प्रकाशन गरेको अनुराधाले पारिजात बालसाहित्य पुरस्कार, मायादेवी मातृभूमि पुरस्कार जस्ता पुरस्कार र सम्मान प्राप्त गर्नुभएको छ ।
अङ्ग्रेजी साहित्यमा स्नातकोत्तर पूरा गरेकी अनुराधाले इन्टरकल्चरल बिजनेस कम्युनिकेसनमा पनि बेलायतबाट स्नातकोत्तर अध्ययन पूरा गर्नुभएको छ । उहाँले एक सयभन्दा बढी पुस्तक अङ्ग्रेजीबाट नेपालीमा र नेपालीबाट अङ्ग्रेजीमा अनुवादसमेत गर्नुभएको छ ।
हाल ललितपुरको धोबीघाटमा बसोबास गर्दै आएकी अनुराधा नेपाल बालसाहित्य समाज, थाङ फाउन्डेसन आदि संस्थामा सक्रिय हुनुहुन्छ । उहाँसँग रुम टु रिड, रिड नेपाल जस्ता संस्थामा कार्यक्रम अधिकृतका रूपमा काम गरेको अनुभवसमेत छ ।
Read More
उज्ज्वल तामाङ
About the Illustrators
उज्वल तामाङ उत्कृष्ट युवा चित्रकार एवम् एनिमेटर हुनुहुन्छ । २०४४ साल चैत १५ गते जन्मनुभएका तामाङले ललितकला क्याम्पसबाट कलासम्बन्धि अध्ययन गर्नुभएको हो ।
उहाँले चित्र बनाउनुभएका 'कमिलाको क्याराभान', 'को होला', 'खेती गरौँ', 'गम नै गम', 'साथीलाई कोसेली', 'सुपर आमा' साथै भूमा भ्यागुतो कथा सृंखलाका 'नयाँ गीत', 'भुइँ भेट्यो भूमाले', 'भूमाका रुसी कुप्राबाजे' र 'चार महिने निद्रा' पुस्तक परिचय पब्लिकेसनबाट प्रकाशित छन् ।
उहाँसँग विभिन्न सृजनात्मक कम्पनीहरुमा ७ वर्ष एनिमेटरको रुपमा काम गरेको अनुभव छ । उहाँले मेला बुक्स, रुम टु रिड, सेभ द चिल्ड्रेन, हेल्थ राइट इन्टरनेसनल, आरटिआई इन्टरनेसनल जस्ता संस्थासँग चित्रकारको रुपमा काम गर्नुभएको छ ।
सम्पर्क - [email protected]
Read More
