150.00
देखिएन देखिएन देखियो
Description
पुस्तकमा साना नानीबाबुहरूसँग खेलिने आँखा छोपी खेललाई उतारिएको छ । कथामा बालकले आमा, बुबा, हजुरबा, हजुरआमा लगायत परिवारका सदस्यहरूसँग यो रमाइलो खेल खेल्छ ।
सार्थक शिक्षा
About the Author
सार्थक शिक्षा एक गैरसरकारी संस्था हो । शिक्षण एवम् शिक्षा विकासको क्षेत्रमा सक्रिय पेशाकर्मी एवम् बौद्धिक व्यक्तिहरूको सामूहिक पहलमा सन् २०१३ मा विधिवत् स्थापित सार्थक शिक्षाको कार्यालय ललितपुरको पुल्चोकमा छ । यसले ललितपुर जिल्लाका विभिन्न पालिकामा गुणस्तरीय शिक्षाका लागि विद्यालयहरूलाई विभिन्न कार्यक्रममार्फत सहयोग गरिरहेको छ ।
यस संस्थामा दुई दर्जन बढी पेसाकर्मीहरू सदस्य हुनुहुन्छ भने यसले धेरै स्वयमसेवीहरूको सहयोगमा आफ्ना कार्यक्रमहरू सञ्चालन गर्दै आएको छ । बालबालिकामा पठन संस्कृतिको विकासका लागि विद्यालयहरूमा पुस्तक सहयोग सँगसँगै सार्थक लर्निङ सेन्टर, सार्थक पढाइ समय, सार्थक क्याम्प जस्ता कार्यक्रम सञ्चालन गर्दछ ।
सार्थक शिक्षा शिक्षासँग सम्बन्धित विभिन्न विषयमा शोध अनुसन्धान गर्ने कार्यमा समेत सक्रिय छ । सार्थकले ललितपुर माहानगरपालिकाका ४ वर्ष उमेरका बालबालिकाको विकास कस्तो भइरहेको छ भनी शोध कार्य पूरा गरी त्यसलाई सार्वजनिक गरिसकेको छ । हाल यो संस्थाले पढाइका गतिविधिद्वारा पठन संस्कृतिको विकास र सिकाइका लागि जिज्ञासाको प्रवर्द्धन कार्यक्रम ललितपुर महानगरपालिकामा सञ्चालन गरिरहेको छ ।
यस संस्थाले विभिन्न शैक्षिक सामाग्रीहरूको उत्पादन समेत गर्दछ । सार्थक शिक्षाले विभिन्न कार्यशाला र छलफलपछि बालबालिकाका लागि तयार पारेका बालचित्रकथा पुस्तक हुन् – 'देखिएन देखिएन देखियो' र 'किन रोएको' ।
Read More
सनिस महर्जन
About the Illustrators
सनिस महर्जन युवा चित्रकार हुनुहुन्छ । उहाँले चित्र बनाउनु भएका 'देखिएन देखिएन देखियो', प्रभाको बाख्रो', 'राती सर्याकसर्याक' बालपुस्तक परिचय पब्लिकेसनबाट प्रकाशित छन् ।
२०४६ साल कार्तिक १७ गते जन्मनुभएका महर्जनले हेल्थ रिसर्च एण्ड सोसियल डेभलोपमेन्ट फोरम, रातो बङ्गला फाउण्डेसन सहित विभिन्न संघ संस्था र प्रकाशनहरूमा चित्रकारको रुपमा काम गर्नुभएको छ ।
सृजना कलेज अफ फाइन आर्ट्सबाट स्नातक तहको अध्ययन पुरा गर्नुभएका महर्जन कलासम्बन्धि विभिन्न गोष्ठी र सेमिनारहरुमा समेत सहभागी हुनुभएको छ ।
सम्पर्क - [email protected]
Read More
