150.00
म सक्छु नि
Description
यो सानासाना नानीबाबुले खेल्ने भाँडाकुटीको रमाइलो प्रस्तुति भएको कथा हो । एउटी नानीले दाल, भात, तरकारीलगायत खानेकुरा पकाउँदै खेल्छिन् । बालबालिकाले खेल्ने खेलसँग सम्बन्धित छ । जसमा उनीहरू रमाउँछन् । भान्सामा प्रयाग हुने भाँडावर्तनको नाम तथा भान्सामा तयार हुने खानेकुराका बारेमा कथाको प्रयोग गरी सहजै सिकाउन सकिन्छ ।
कृष्णदीप सिग्देल
About the Author
कृष्णदीप सिग्देल नेपाली बाल तथा किशोर साहित्यका क्षेत्रमा असाध्यै सक्रिय सर्जक हुन् । उहाँका अनुवाद र मौलिक गरी ८५ भन्दा बढी पुस्तक प्रकाशित छन् । बालबालिकाको रुचि र मनोरञ्जनलाई प्राथमिकता दिने सिग्देलका पुस्तकहरू निश्चित उमेर समूहलाई लक्षित गरी सिर्जना गरिएका हुन्छन् ।
दानवीर स्कुल, चोरी भो जुत्ता, बाटोपारि भेट, अझैमाथि पानी, कसले बनायो चित्र, म सक्छु नि, उही कथा, भोक लाग्यो, हजुरआमा आउनुभयो आदि उहाँका केही चर्चित बालसाहित्यका पुस्तकहरू हुन् ।
विक्रम सम्वत् २०२९ मङ्सिर २९ गते कास्की पोखराको गौँडाको मुखमा जन्मनुभएका सिग्देलले एक सयभन्दा बढी बाल तथा किशोर पुस्तकहरूको सम्पादनसमेत गर्नुभएको छ । आफूलाई बाल तथा किशोर साहित्यका क्षेत्रमा अद्यावधिक राख्न कोसिस गरिरहने सिग्देल राष्ट्रिय तथा अन्तराष्ट्रिय स्तरका लेखकहरूलाई नियमित रूपमा पढ्नुहुन्छ । नियमित पठन सर्जकहरूका लागि अपरिहार्य हुन्छ भन्ने उहाँको मान्यता छ ।
कथावाचक समाज, नेपाल बालसाहित्य समाज जस्ता संस्थामा सक्रिय सिग्देल उम्दा सम्पादकका साथै अनुवादक पनि हुनुहुन्छ । बालसाहित्य लेखन तथा कथावाचन कार्यशाला सञ्चालनमा विशेष दक्षता राख्ने सिग्देलले पारिजात बालसाहित्य पाण्डुलिपि विशेष सम्मान प्राप्त गर्नुभएको छ । उहाँ हाल काठमाडौँको कालीमाटीमा बसोबास गर्नुहुन्छ ।
Read More
