130.00
डुुङ्गामा चङ्गा
Description
यो दुई भ्यागुताले पातको प्रयोग गरी चङ्गा उडाएको कथा हो । कार्टुन चरित्र समावेश गरी बनाइएका चित्रले चङ्गा उडाउन ती भ्यागुताले के के गरे भन्ने प्रष्ट पारेका छन् । पुस्तकले हाँसो, दुख, समस्या र समाधानको कथा भन्छ । बालबालिका रमाउने कथा छ । आकर्षक चित्रको छलफलले भाषिक विकासमा मदत गर्छ । समस्यामा समाधान खोज्न सिकाउँछ ।
डा. ध्रुव घिमिरे
About the Author
डा. ध्रुवकुमार घिमिरे बालसाहित्य लेखन र बालसाहित्यको सैद्धान्तिक विमर्शमा ख्यातनाम व्यक्तित्व हुनुहुन्छ । विक्रम सम्वत् २०१६ असार ७ गते नुवाकोटको थानसिङमा जन्मनुभएका घिमिरेले नेपाली भाषाका टुक्काको संरचनात्मक पक्ष र अर्थगत सन्दर्भ शिर्षकमा विद्यावारिधि (पिएचडी) गर्नुभएको छ । त्रिभुवन विश्वविद्यालयका सेवानिवृत्त प्राध्यापक घिमिरेले सोही विश्वविद्यालयबाट नेपालीमा स्नातकोत्तर र पिएचडी पूरा गर्नुभएको हो ।
हाल काठमाडौँको बल्खुमा बस्दै आउनुभएका घिमिरे नेपाल बालसाहित्य समाज, कथावाचक समाज, डिल्लीरमण कल्याणी रेग्मी स्मारक पुस्तकालय विकास समिति जस्ता प्रतिष्ठित संस्थाहरूका पूर्व अध्यक्षसमेत हुनुहुन्छ ।
उहाँका जीत कसको हुँदै छ, छोई खेल्ने खेल, हाहाहा, पिङ, डुङ्गामा चङ्गा, को कहाँ लुके, भाटभटेनी, खुत्रुकेको कारखाना, खेती गरौँ, आदिम कछुवा, खितितिलगायत दर्जनौँ बालसाहित्य कृतिहरू प्रकाशित छन् । घिमिरेले बालसाहित्यको विधागत सिद्धान्त र नेपाली बालसाहित्य साथै बालसाहित्य केही सैद्धान्तिक विमर्श जस्ता सैद्धान्तिक विमर्शका पुस्तकसमेत लेख्नुभएको छ ।
नेपाली विषयका पाठ्यपुस्तकहरुको लेखनमा समेत संलग्न रहेका डा. घिमिरेले दर्जनौँ बालसाहित्यका पुस्तकसहित बालसाहित्य सर्जक कोश, प्रादेशिक बालसाहित्यको अवस्था जस्ता प्रकाशनहरूको सम्पादन गर्नुभएको छ । उहाँ नेपाल नेपाल प्रज्ञा प्रतिष्ठानबाट प्रकाशित पत्रिका बालप्रज्ञाको कार्यकारी सम्पादकसमेत रही सक्नुभएको छ ।
उहाँले नेपाल बालसाहित्य समाज सर्वोत्कृष्ट बालपुस्तक लेखक (२०५१ र २०६२), नूरगङ्गा प्रतिभा पुरस्कार (२०५३), कविताराम बालसाहित्य प्रवर्द्धन सम्मान (२०७३), देवकुमारी थापा बालसाहित्य वनिता सम्मान (२०७३), रमेश विकल बालसाहित्य पुरस्कार (२०७६) लगायतका पुरस्कार र सम्मान प्राप्त गर्नुभएको छ । उहाँले २०७९ सालमा नेपाल बालसाहित्य समाज अन्तर्गत ध्रुव–सुशिला घिमिरे बालसाहित्य अनुसन्धान पुरस्कारसमेत स्थापना गर्नुभएको छ ।
उहाँले विभिन्न संघसंस्थाबाट बालसाहित्यका विभिन्न विधाका अतिरिक्त कथावाचनसम्बन्धी प्रशिक्षण कार्यशाला सञ्चालन गर्नुभएको छ ।
Read More
समित श्रेष्ठ
About the Illustrators
काठमाडौँको टेकु निवासी समित श्रेष्ठ अहिलेका व्यस्त चित्रकारहरू मध्ये एक हुनुहुन्छ । उहाँले चित्र बनाउनुभएका 'आदिम कछुवा', 'किन रोएको', 'गुड्ने पीर्का' र 'भोक लाग्यो' शिर्षकका बालपुस्तक परिचय पब्लिकेसनबाट प्रकाशित छन् भने दर्जनौँ अन्य पुस्तकहरु बजारमा उपलब्ध छन् ।
२०३८ साल फागुन २४ गते जन्मनुभएका श्रेष्ठले ललितकला क्याम्पसबाट स्नातक तहसम्मको अध्ययन पुरा गर्नुभएको छ । अन्नपूर्ण पोष्ट पत्रिकामा इलस्ट्रेटर एवम् कार्टुनिष्टका रुपमा समेत सक्रिय रहनुभएका श्रेष्ठ विभिन्न संघसंस्था मार्फत बालबालिकालाई कला सम्बन्धी प्रशिक्षण समेत दिनुहुन्छ ।
सम्पर्क - [email protected]
Read More
