140.00
गम नै गम
Description
नयाँ चिज र नचलाउनु भनेको चिजमा बालबलिकामा उत्सुकता झन् बढी हुन्छ । यस चित्रकथामा घरमा ल्याइएको गमको बट्टा एउटी बालिकाले खोलेर के के गर्छिन् भन्ने बारेमा रोचक ढङ्गले प्रस्तुत गरिएको छ ।
टङ्क चौलागाईँ
About the Author
टंक चौलागाईँ सृजनात्मक लेखन र नेपाली रङ्गमञ्चमा सक्रिय व्यक्तित्व हुनुहुन्छ । २०३९ साल जेठ १६ गते जन्मिएका चौलागाईँ नाटक निर्देशन र प्रशिक्षणमा निरन्तर व्यस्त हुनुहुन्छ ।
उहाँले 'माधवी', 'यायाती', 'योगमाया', 'रुदाने', 'उज्यालोतिर', 'पाठशाला', 'सुनको बञ्चरो', 'किताबभित्र किताब बाहिर', 'डर' जस्ता नाटकहरू निर्देशन गर्नुभएको छ । उहाँले 'आशा', 'कालाखोला', 'जिउँदा अवशेषहरू', 'अदृष्य शक्ति', 'शान्तिको कामना', 'वनको चरी वनमै रमाउँछ', 'परिणाम', 'फेरि मृत्यु नदोहोरियोस्', 'शिशिर वसन्त', जस्ता दर्जनौँ नाटकमा अभिनय गर्नुभएको छ । स्कुल थिएटर नेपाल र लालाबालाका कला निर्देशक चौलागाईँ काठमाडौँ प्रज्ञा कुञ्ज, स्वस्तिश्री गुरुकुल, इम्पेरियल वर्ल्ड स्कुल, काष्ठमण्डप, अक्षरा, काठमाडौँ गुरुकुल लगायतका विद्यालयमा नाट्य प्रशिक्षण गराउनसमेत सक्रिय हुनुहुन्छ ।
उहाँले 'योगमाया' र 'उलार' जस्ता बहुचर्चित उपन्यासहरूलाई नाट्यरुपान्तरण गर्नुभएको छ । उहाँले 'पाठशाला', 'राइटर्स क्याफे', 'भोक', 'कर्फ्यू', 'लालाबाला', 'भोला', 'टर्च लाइट' जस्ता नाटक लेख्नुभएको छ ।
उहाँको रङ्गमञ्च प्रशिक्षणसम्बन्धी पुस्तक वर्णमाला प्रकाशित छ भने 'रुदाने', 'टालाटुली', 'उवडखाबड', 'काठमाडौँ गीत', 'जिरो कटेज' जस्ता उहाँका उपन्यासहरू चर्चित छन् ।
बालबालिकाका लागि धेरै नाटक लेख्नुभएका चौलागाईँका 'गम नै गम', 'धुवाँको संसार', 'घोडा उडेछ', 'सुनको बञ्चरो', 'कथाको खोजी', 'अन्तरआवाज', 'परि आइन्', 'भुनभुन', 'माहुरी भीरैमा', 'सुपरहिरो सितारा' जस्ता बालपुस्तक प्रकाशित छन् ।
त्रिभुवन विश्वविद्यालयबाट समाजशास्त्रमा स्नातकोत्तर तहको पढाइ पूरा गर्नुभएका चौलागाईँले देश विदेशका विभिन्न नाट्य संस्था र एकेडमीहरूबाट नाटक लेखन, अभिनय र निर्देशनसम्बन्धी कार्यशाला र तालिमहरू पूरा गर्नुभएको छ । उहाँले विभिन्न नाट्य महोत्सवहरूमा उत्कृष्ट नाटक र उत्कृष्ट नाटक निर्देशकको पुरस्कारसमेत प्राप्त गर्नुभएको छ ।
उहाँले नाट्य कार्यशाला र नाट्य महोत्सवहरूमा भाग लिने क्रममा अष्ट्रेलिया, पोल्याण्ड, बेलारुस, जर्मनी, स्लोभाकिया, फ्रान्स, भारत र बङ्गलादेशको भ्रमणसमेत गर्नुभएको छ ।
Read More
उज्ज्वल तामाङ
About the Illustrators
उज्वल तामाङ उत्कृष्ट युवा चित्रकार एवम् एनिमेटर हुनुहुन्छ । २०४४ साल चैत १५ गते जन्मनुभएका तामाङले ललितकला क्याम्पसबाट कलासम्बन्धि अध्ययन गर्नुभएको हो ।
उहाँले चित्र बनाउनुभएका 'कमिलाको क्याराभान', 'को होला', 'खेती गरौँ', 'गम नै गम', 'साथीलाई कोसेली', 'सुपर आमा' साथै भूमा भ्यागुतो कथा सृंखलाका 'नयाँ गीत', 'भुइँ भेट्यो भूमाले', 'भूमाका रुसी कुप्राबाजे' र 'चार महिने निद्रा' पुस्तक परिचय पब्लिकेसनबाट प्रकाशित छन् ।
उहाँसँग विभिन्न सृजनात्मक कम्पनीहरुमा ७ वर्ष एनिमेटरको रुपमा काम गरेको अनुभव छ । उहाँले मेला बुक्स, रुम टु रिड, सेभ द चिल्ड्रेन, हेल्थ राइट इन्टरनेसनल, आरटिआई इन्टरनेसनल जस्ता संस्थासँग चित्रकारको रुपमा काम गर्नुभएको छ ।
सम्पर्क - [email protected]
Read More
