140.00
जङ्गलको दमकल
Description
यो कथा साना बालकहरूको चकचक, हाँसिमजाक र हात्तीको बुद्धिमतालाई समेटेर तयार पारिएको पुस्तक हो । यस कथामा दुर्घटनाका जोखिम र तीबाट आफू र आफ्नो वरीपरीका अन्य जीवजन्तु र वातावरणलाई जोगाउन सचेत रहनुपर्ने सन्देश छ ।
विकास बुढाथोकी
About the Author
विकास बुढाथोकी सृजनाका विविध आयाममा प्रचुर सम्भावना बोकेका युवा हुनुहुन्छ । लेखनमा रुची राख्ने उहाँका 'दमकल हात्ती', 'मोटे गैँडा' र 'बाँदर साथी' बालचित्रकथा प्रकाशित छन् ।
२०४४ साल असार १ गते मोरङको लेटाङमा जन्मिएका बुढाथोकी सृजना घर बेलबारी मोरङ र लेट्स इन्टरटेनमेन्ट सञ्चालन गर्नुहुन्छ । उहाँ बेलायतबाट सञ्चालित हुने संस्था म्युजिक फर चिल्ड्रेनका समेत सदस्य हुनुहुन्छ ।
उहाँले कार्यक्रम संयोजकका रूपमा पूर्वाञ्चल नाट्य यात्राको पहिलो र दोस्रो संस्करणको सफलतापूर्वक आयोजना गरिसक्नुभएको छ भने बालबालिकाका लागि सृजनात्मक सीप बृद्धिमा मदत गर्ने भाँडाकुटी कार्यशालाको पाँच संस्करण पूरा गरिसक्नुभएको छ । उहाँले त्रिभुवन विश्वविद्यालयबाट बिएसम्मको अध्ययन पूरा गर्नुभएको छ ।
हाल मोरङको बेलबारीमा बसोबास गर्नुहुने बुढाथोकीले बालबालिकाका लागि 'Smart Strike' र 'Are you a Bully?' जस्ता नाटकको निर्देशनसमेत गर्नुभएको छ ।
Read More
रश्मी श्रेष्ठ
About the Illustrators
रश्मी श्रेष्ठ युवा चित्रकार एवम् डिजाइनर हुनुहुन्छ । बुढानिलकण्ठ काठमाडौँकी श्रेष्ठ हाल त्रिभुवन विश्वविद्यालय ललितकला विभागमा स्नातकोत्तर तहमा अध्ययन गर्दै हुनुहुन्छ । उहाँले सृजना कलेज अफ फाइन आर्ट्सबाट स्नातक तह पुरा गर्नुभएको हो ।
उहाँले परिचय पब्लिकेसनबाट प्रकाशित पुस्तकहरू केटाकेटी र केराउ जालीमा चरी हराएको बचेरो जङ्गलको दमकल मैनबत्ती र दाउरेमा चित्राङ्कन गर्नुभएको छ । उहाँले चित्र बनाउनुभएका रविन र साथीहरू छाउरो र पाठो आलुका नेपाली परिकार अँध्यारो रुख दाँत हल्लियो आमा जस्तै बन्छु म र झोलामा के होला लगायतका पुस्तक प्रकाशित छन् ।
उहाँ नेपाल ललितकला प्रज्ञा प्रतिष्ठानद्वारा सन् २०१९ मा आयोजीत राष्ट्रव्यापी पोष्टर डिजाइन प्रतियोगितामा प्रथम हुनुभएको थियो । उहाँले द बड्स २०१९ साथै सृजना कलेज अफ फाइन आर्ट्सले २०२३ मा आयोजना गरेको बिएफए शो मार्फत पनि आफ्ना कलाहरू प्रदर्शन गर्नुभएको छ ।
सम्पर्क - [email protected]
Read More
