Menu
गुलाफको फूल 140.00

गुलाफको फूल

  • Writer:यशु श्रेष्ठ
  • Illustrator:अक्रिन
  • Genre:चित्रकथा
  • Language:नेपाली
  • First Published:2072
  • Pages:20+4
  • ISBN:978-9937-664-18-9
  • Description

    गुलाफको फूललाई पात्र बनाएर एउटा बिरुवा स्वस्थ र सुन्दर रहन हावा, पानी, घाम आदिको सम्बन्ध के हुन्छ भन्ने कुरालाई कथा बनाइएको छ ।

    यशु श्रेष्ठ

    यशु श्रेष्ठ

    About the Author

    यशु श्रेष्ठ बालसाहित्य सृजनामा सर्वाधिक व्यस्त स्रष्टा हुनुहुन्छ । विक्रम सम्वत् २०३९ असोज १० गते धादिङको गजुरीमा जन्मनुभएका श्रेष्ठका २०० भन्दा बढी पुस्तक बालबालिका लागि प्रकाशित भइसकेका छन् ।

    बालबालिकालाई नेपाली मात्राहरूको चिनारी गराउने मात्राअनुसारका चित्रकथाहरूको दुई ओटा शृङ्खला परिचय पब्लिकेसनबाट प्रकाशित गराउनुभएका श्रेष्ठका 'झिँगासँग लडाइँ', 'पहरेदार सिन्का र बोरा', 'गुलाफको फूल', 'छेपारो र बिरालो', 'उज्यालो आकाश', 'फेरि खुसी आउनेछ', 'सुकाएको धान', 'कसको कपाल', 'रमाइलो खेतबारी', 'रहरै रहर', 'पन्टु र परी', 'सर्पको गाउँ', 'छुकछुक', 'मनको लड्डु', 'बाँस मेला', 'सानी हजुरआमा', 'खुसी खुसी', 'जे पनि मुखैमा', 'चिलमाथि घर', 'बनेली', 'सानो छहारी', 'उल्टो जुत्ता' सहितका बालपुस्तक प्रकाशित छन् । उहाँले बालबालिकाका लागि शब्दविहीन चित्रकथा, चित्रकविता, चित्रकथा र अध्याय पुस्तकहरूसम्मका पठन सामग्री लेख्नुभएको छ । उहाँले झण्डै उत्तिकै सङ्ख्यामा बालपुस्तकहरूको सम्पादन पनि गर्नुभएको छ ।

    रौतहटको चन्द्रपुर स्थायी घर भएका श्रेष्ठ बालबालिका र बालसाहित्यसँग सम्बन्धित विभिन्न पत्रपत्रिका जर्नल र अन्य प्रकाशनहरूको सम्पादनमा पनि संलग्न रहँदै आउनुभएको छ । नेपाल बालसाहित्य समाजका पूर्व महासचिव श्रेष्ठ कथावाचक समाजका पनि महासचिव हुनुहुन्छ ।

    समाजशास्त्रमा स्‍नातकोत्तर पूरा गरेका श्रेष्ठले केटाकेटी उत्कृष्ट लेखक सम्मान–२०६१, नूर गङ्गा राष्ट्रिय बालसाहित्य नवप्रतिभा पुरस्कार–२०६९, नेपाल बालसाहित्य समाज उत्कृष्ट बालपुस्तक लेखन पुरस्कार–२०७४ प्राप्त गर्नुभएको छ । उहाँको बालपुस्तक 'उल्टो जुत्ता'मा आधारित बालचलचित्र 'जुनूको जुत्ता'ले काठमाडौँ अन्तर्राष्ट्रिय पर्वतीय चलचित्र महोत्सवमा उत्कृष्ट कथानक पुरस्कार प्राप्त गरेको थियो भने ६६औँ अन्तर्राष्ट्रिय सर्ट फिल्म फेस्टिभल ओवरहोउसेन जर्मनीमा उत्कृष्ट सर्ट फिल्म अवार्ड प्राप्त गरेको थियो ।

    यशु श्रेष्ठ शैक्षिक सामग्री निर्माण, कथा लेखन, कथावाचनलगायतका विषयमा कार्यशालाहरू सञ्चालनमा समेत सक्रिय हुनुहुन्छ ।  

    उहाँ हाल ललितपुर जिल्लाको महालक्ष्मी नगरपालिका-९, लामाटारमा बसोबास गर्दै आउनुभएको छ ।

    Read More

    Related चित्रकथा