150.00
मैनबत्ती
Description
यो पुस्तक एउटी बालिका र मैनबत्तीको कथा हो । यो कथा आफु जलेर अरूलाई उज्यालो दिने मैनबत्ती र मैनबत्तीको सोही गुणबारे जानकार बालिकाको कथा हो । बालिका मैनबत्तीसँग आभारी छिन् । त्यही आभारको कथा हो – मैनबत्ती ।
आर मानन्धर
About the Author
आर मानन्धर नेपाल भाषा र नेपाली भाषा दुबैमा कलम चलाउने लेखक हुनुहुन्छ । लेखनमा आर मानन्धर नाम प्रयोग गर्ने उहाँको खास नाम चाहिँ राजेन्द्र मानन्धर हो ।
उहाँका 'कलाकार बाँदर' र 'मैनबत्तीको कथा' गरी दुई बालचित्रकथा पुस्तकहरू परिचय पब्लिकेसनबाट प्रकाशित छन् ।
चार दशकदेखि नेपाल भाषामा साधनारत उहाँ कवि दुर्गालाल श्रेष्ठलाई आफ्नो प्रेरणा मान्नुहुन्छ र पछिल्लो समय उहाँ नेपाली भाषामा पनि उत्तिकै सक्रिय हुनुहुन्छ । मानन्धरले दुर्गालाल श्रेष्ठका नेपाल भाषाका कविताहरूको अनुवाद सहयोगीका रुपमा 'The Blossoms of Sixty-Four Sunsets' मा काम गर्नुभएको छ । यसैगरी उहाँले कवि श्रेष्ठको जीवनी नेपाल र नेपाली दुवै भाषामा प्रस्तुत गर्नुभएको छ ।
उहाँले जोन रस्किनको बालकथाको अनुवाद गरी 'सुनौलो नदीको राजा' र अस्कर वाइल्डको बालकथाको अनुवाद गरी 'रक्षस र बालकहरू' शिर्षकका पुस्तक तयार पार्नुभएको छ ।
२०२३ साल मङ्सिर ६ गते काठमाडौँमा जन्मनुभएका मानन्धरका 'क्षितिजको स्पर्श', 'कवितामा आकाश', 'कुलांया थिया', 'कन्सियस लिडरशिप अ जर्नी विदइन्' लगायतका पुस्तक पनि प्रकाशित छन् । शिक्षा शास्त्रमा एम फिल गर्नुभएका मानन्धरले नेपाली साहित्यमा एम् ए र मनोविज्ञानमा पोष्ट ग्राजुयटसम्मको अध्ययन पुरा गर्नु भएको छ । उहाँले नेपाल भाषामा रचना गर्नुभएका करिब ४० ओटा गीत प्रेमध्वज प्रधानलगायतका गायक गायिकाले रकर्ड गर्नुभएको छ । विभिन्न अन्तर्राष्ट्रिय गैह्र सरकारी संस्था र संयुक्त राष्ट्रसंघसम्बन्धित विभन्न परियोजनामा व्यवस्थापक र निर्देशकसम्मको जिम्मेवारी पूरा गर्नुभएका मानन्धर पछिल्लो समय नेतृत्व सिप, मानवीय विकास र माइन्डफुलनेसको स्वतन्त्र प्रशिक्षकको रुपमा समेत सक्रिय हुनुहुन्छ । उहाँ पुस्तक पत्रपत्रिकाहरुको सम्पादन साथै स्तम्भ लेखनमा पनि संलग्न हुनुहुन्छ । द हिमालयन टाइम्स, युवामञ्च, रातोपाटी जस्ता पत्रिका र अनलाइनमा प्रकाशित उहाँका स्तम्भहरु नेतृत्व विकास र बौद्ध दर्शनका विषयमा केन्द्रित हुन्छन् ।
Read More
रश्मी श्रेष्ठ
About the Illustrators
रश्मी श्रेष्ठ युवा चित्रकार एवम् डिजाइनर हुनुहुन्छ । बुढानिलकण्ठ काठमाडौँकी श्रेष्ठ हाल त्रिभुवन विश्वविद्यालय ललितकला विभागमा स्नातकोत्तर तहमा अध्ययन गर्दै हुनुहुन्छ । उहाँले सृजना कलेज अफ फाइन आर्ट्सबाट स्नातक तह पुरा गर्नुभएको हो ।
उहाँले परिचय पब्लिकेसनबाट प्रकाशित पुस्तकहरू केटाकेटी र केराउ जालीमा चरी हराएको बचेरो जङ्गलको दमकल मैनबत्ती र दाउरेमा चित्राङ्कन गर्नुभएको छ । उहाँले चित्र बनाउनुभएका रविन र साथीहरू छाउरो र पाठो आलुका नेपाली परिकार अँध्यारो रुख दाँत हल्लियो आमा जस्तै बन्छु म र झोलामा के होला लगायतका पुस्तक प्रकाशित छन् ।
उहाँ नेपाल ललितकला प्रज्ञा प्रतिष्ठानद्वारा सन् २०१९ मा आयोजीत राष्ट्रव्यापी पोष्टर डिजाइन प्रतियोगितामा प्रथम हुनुभएको थियो । उहाँले द बड्स २०१९ साथै सृजना कलेज अफ फाइन आर्ट्सले २०२३ मा आयोजना गरेको बिएफए शो मार्फत पनि आफ्ना कलाहरू प्रदर्शन गर्नुभएको छ ।
सम्पर्क - [email protected]
Read More
