120.00
रिसाएको हात्ती
Description
यो पुस्तक अङ्ग्रेजी र नेपाली भाषामा छ । एउटा बालकले हात्तीलाई जिस्काउँछ र हात्तीले जनावरलाई जथाभावी दुख दिनु हुँदैन भन्ने शिक्षा उक्त बालकलाई दिन्छ ।
भास्कर ज्ञवाली
About the Author
भाष्कर ज्ञवाली बालबालिकाका लागि वातावरण र वन्यजन्तु संरक्षणका विषयमा जानकारी दिने पुस्तकहरू प्रशस्त उपलब्ध होऊन् भन्ने चाहना राख्नुहुन्छ । परिचय पब्लिकेसनका निर्देशक ज्ञवालीका 'जङ्गली जनावर' र 'घरपालुवा जनावर' शिर्षकका तथ्यपुस्तकहरू उपलब्ध छन् । उहाँले 'रिसाएको हात्ती' शिर्षकको बालचित्रकथाको पुस्तक समेत लेख्नुभएको छ । उहाँले वातावरण संरक्षणको विषयवस्तु भएका 'चलाख चिम्पू र ठूलो संकट' साथै 'डुङ्गा सवारी' नामका दुई पुस्तक अनुवाद गरी नेपाली भाषामा प्रकाशित गर्नुभएको छ ।
२०२५ साल कार्तिक १२ पाल्पाको तानसेनमा जन्मनुभएका ज्ञवालीले सन् १९९५ देखि १९९७ सम्म डब्लूडब्लूएफको ग्रीन भोलेन्टेयरका रूपमा बर्दिया राष्ट्रिय निकुञ्ज आसपासका मध्यवर्ती क्षेत्रका विद्यालयहरूमा वातावरण र वन्यजन्तु संरक्षण शिक्षाको क्षेत्रमा काम गर्नुभएको थियो ।
कान्तिपुर टेलिभिजन, नागरिक दैनिक, रिपब्लिका जस्ता सञ्चारमाध्यममा एक दशक बढी पत्रकारिताको अनुभव लिनुभएका ज्ञवालीले पूर्वाञ्चल विश्वविद्यालयबाट आमसञ्चार तथा पत्रकारिता विषयमा स्नातकोत्तरसम्मको अध्ययन पूरा गर्नुभएको छ ।
बालसाहित्य लेखनका साथै वृत्तचित्र र श्रव्यदृष्य सामाग्री निर्माणमा उहाँको विशेष रुची छ ।
Read More
सुनील थापा
About the Illustrators
सुनिल थापा नेपाली ललितकलामा सक्रिय नाम हो । २०३५ भदौ १८ गते नवलपरासीमा जन्मनुभएका थापा ललितकलामा स्नातक हुनुहुन्छ ।
उहाँले चित्र बनाउनुभएका मेरो पहिलो किताब म त घर कमिला गाउने कथा भुक्यो कुकुर मोटे गैँडा रिसाएको हात्ती रुखमा बल र सर्पको गाउँ लगायतका बालपुस्तक प्रकाशित छन् । उहाँको चित्राङ्कनमा खनिउँ खोज्न जाँदा वनका माली आदि शिर्षकको पुस्तक पनि प्रकाशित छ ।
उहाँले सेभ द चिल्ड्रेन वर्ल्ड इजुकेसन रुम टु रिड जस्ता संस्थासँग चित्राङ्कनका काम गर्नुभएको छ । नवलपरासी बर्दघाटका थापाले केहि समय काठमाडौँका विभिन्न शिक्षण संस्थामा कला प्रशिक्षकका रुपमा समेत काम गर्नुभएको छ ।
सम्पर्क - [email protected]
Read More
