130.00
खितखित खितखित
Description
हजुरबा थोते गिजा देखाएर हाँस्दा नसुहाएकोले चिन्ताले एउटा बालक पिरोलिन्छ । बालकले हजुरबाको हाँसो सुहाउने बनाउन के के गर्छ भनी कथामा सविस्तार वर्णन गरिएको छ ।
रोशन पोखरेल
About the Author
रोशन पोखरेल बाल तथा युवा पाठकहरूका प्रिय लेखक हुनुहुन्छ । पेसाले बैङ्कर पोखरेलले बाल पाठकहरूका लागि चित्रकथा, किशोरकिशोरीका लागि अध्याय पुस्तक र युवा पाठकहरूका लागि रोचक उपन्यासहरू सिर्जना गर्नुभएको छ ।
२०३८ साल भदौ १७ गते झापाको भद्रपुरमा जन्मनुभएका पोखरेलले त्रिभुवन विश्वविद्यालयबाट एमबिएस्सम्मको अध्ययन पूरा गर्नुभएको छ । नेपाल बैंक लिमिटेडमा कार्यरत पोखरेल साहित्यमा पनि उत्तिकै व्यस्त हुनुहुन्छ । उहाँका 'खितखित खितखित', 'ऐया र आत्था', 'गन्तव्य', 'पातले वनको त्यो दिन', 'पागल लेखक', 'माग्न नसकेको माफी', 'ठूलो घण्टी', 'सानी र बादल', 'चञ्चलेको यात्रा', 'मिस्टर गौरब', 'बलभद्र', 'लडाकु माछा', 'टोपी कसको', 'बास्ना आउने बाँसुरी', 'नोर' जस्ता पुस्तकहरू प्रकाशित छन् ।
नेपाल स्काउटको पेट्रोल लिडरसम्मको तालिम प्राप्त गर्नुभएका पोखरेल सामाजिक क्रियाकलापहरूमा समेत उत्तिकै सक्रिय हुनुहुन्छ ।
Read More
रिता मानन्धर
About the Illustrators
काठमाडौँको बसन्तपुरमा जन्मनुभएकी रिता मानन्धरले नेपाली चित्रकलाको क्षेत्रमा समर्पित भएर निरन्तर काम गरिरहनुभएको छ । ललितकला क्याम्पसबाट स्नातक गर्नुभएकी मानन्धरले त्रिभुवन विश्वविद्यालय केन्द्रिय क्याम्पसबाट ललितकलामा नै स्नातकोत्तर तहको अध्ययन पुरा गर्नुभएको छ ।
उहाँले देशभित्र ५ वटा एकल कला प्रदर्शनी सम्पन्न गर्नुभएको छ भने भारत र इण्डोनेसियामा समेत कला प्रदर्शनी गर्नुभएको छ । उहाँले सन् २०१९ मा माल्दिभ्समा सम्पन्न पेन्टिङ सम्बन्धी सार्क आर्ट्स क्याम्प एण्ड एक्जिव्युसन साथै जापानमा सन् २००४ मा फुकौका एशियाली आर्ट म्युजियमले आयोजना गरेको अर्टिस्ट इन रेसिडेद्दस कार्यक्रममा भाग लिनुभएको छ । उहाँले दर्जनौ सामुहिक कला प्रदर्शनी र कार्यशालाहरुमा समेत भाग लिनुभएको छ ।
उहाँले परिचय पब्लिकेसनबाट प्रकाशित खितखित खितखित शिर्षकको पुस्तकमा चित्राङ्कन गर्नुभएको छ ।
सम्पर्क - [email protected]
Read More
