घाइते पाण्डुलिपि

About the Author

कह्नैया नासननी नेपाली साहित्यका विभिन्न विधामा सक्रियतापूर्वक कलम चलाउँदै आउनुभएका साहित्यकार हुनुहुन्छ । उहाँका क्लियोपाट्रा, एउटा सहरको कथा, सिपाही र रातो आँसु गरी चार ओटा उपन्यास प्रकाशित छन् । कथा सङ्ग्रहका रूपमा घाइते पाण्डुलिपी, मुटुका व्यथाहरू, एउटा अर्की लाउरा तथा नियात्रा सङ्ग्रह संस्मरण-यात्रा संस्मरण र सम्झना र पाइलाहरू प्रकाशित छन् । 

२००२ साल साउन नवमी शुक्लपक्षमा काभ्रेको पनौतीमा जन्मेका नासननीले रुसबाट मेकानिकल इन्जिनियरिङमा एमई गर्नुभएको छ । उहाँले लामो समय नेपाल वायुसेवा निगममा इन्जिनियरका रूपमा पनि सेवा गर्नुभएको छ । हाल उहाँ काठमाडौँको विशालनगरमा बसोबास गर्नुहुन्छ । 

साहित्यको क्षेत्रमा नेपाल बालसाहित्य समाजका आजीवन सदस्यका रूपमा क्रियाशील नासननीले साहित्य सेवावापत् शिवप्रसाद उन्नयन पुरस्कार, सर्वोत्कृष्ट बालसाहित्य लेखन पुरस्कार, पुस्कर गौतम बालसाहित्य पुरस्कार, साहित्य प्रतिभा पुरस्कार, रमेश विकल साहित्य सिर्जना पुरस्कार जस्ता करिब एक दर्जन पुरस्कार र सम्मान प्राप्त गर्नुभएको छ ।

जीवनमा भोगेका, देखेका र सुनेका घटनालाई संवेदनशील र अनुभूतिजन्य सरल र सहज भाषामा प्रस्तुत गर्ने उहाँ आफ्ना अनुभवलाई कल्पनामा संयोजन गर्न सिपालु हुनुहुन्छ । 

नासननीले बालसाहित्यका क्षेत्रमा पनि कलम चलाउनुभएको छ । विज्ञानका ताराहरू, अन्तरिक्ष यात्रीहरू, सुन्दर पार्कका सुन्दर फूलहरू, वैज्ञानिकहरूका पुर्खा आर्कमिडिज, बुलबुल चरा र गुलाफको फूल, मैनाचरीको अन्तिम गीत, तोरीबारीको बुख्याँचा, गुरुपूजा आदि उहाँका केही चर्चित बालसाहित्य पुस्तकहरू हुन् ।