100.00
जालीमा चरी
Description
यस पुस्तकमा ईकारसम्मका मात्रा लागेका शब्दहरूको प्रयोगलाई प्राथमिकता दिइएको छ ।
यशु श्रेष्ठ
About the Author
यशु श्रेष्ठ बालसाहित्य सृजनामा सर्वाधिक व्यस्त स्रष्टा हुनुहुन्छ । विक्रम सम्वत् २०३९ असोज १० गते धादिङको गजुरीमा जन्मनुभएका श्रेष्ठका २०० भन्दा बढी पुस्तक बालबालिका लागि प्रकाशित भइसकेका छन् ।
बालबालिकालाई नेपाली मात्राहरूको चिनारी गराउने मात्राअनुसारका चित्रकथाहरूको दुई ओटा शृङ्खला परिचय पब्लिकेसनबाट प्रकाशित गराउनुभएका श्रेष्ठका 'झिँगासँग लडाइँ', 'पहरेदार सिन्का र बोरा', 'गुलाफको फूल', 'छेपारो र बिरालो', 'उज्यालो आकाश', 'फेरि खुसी आउनेछ', 'सुकाएको धान', 'कसको कपाल', 'रमाइलो खेतबारी', 'रहरै रहर', 'पन्टु र परी', 'सर्पको गाउँ', 'छुकछुक', 'मनको लड्डु', 'बाँस मेला', 'सानी हजुरआमा', 'खुसी खुसी', 'जे पनि मुखैमा', 'चिलमाथि घर', 'बनेली', 'सानो छहारी', 'उल्टो जुत्ता' सहितका बालपुस्तक प्रकाशित छन् । उहाँले बालबालिकाका लागि शब्दविहीन चित्रकथा, चित्रकविता, चित्रकथा र अध्याय पुस्तकहरूसम्मका पठन सामग्री लेख्नुभएको छ । उहाँले झण्डै उत्तिकै सङ्ख्यामा बालपुस्तकहरूको सम्पादन पनि गर्नुभएको छ ।
रौतहटको चन्द्रपुर स्थायी घर भएका श्रेष्ठ बालबालिका र बालसाहित्यसँग सम्बन्धित विभिन्न पत्रपत्रिका जर्नल र अन्य प्रकाशनहरूको सम्पादनमा पनि संलग्न रहँदै आउनुभएको छ । नेपाल बालसाहित्य समाजका पूर्व महासचिव श्रेष्ठ कथावाचक समाजका पनि महासचिव हुनुहुन्छ ।
समाजशास्त्रमा स्नातकोत्तर पूरा गरेका श्रेष्ठले केटाकेटी उत्कृष्ट लेखक सम्मान–२०६१, नूर गङ्गा राष्ट्रिय बालसाहित्य नवप्रतिभा पुरस्कार–२०६९, नेपाल बालसाहित्य समाज उत्कृष्ट बालपुस्तक लेखन पुरस्कार–२०७४ प्राप्त गर्नुभएको छ । उहाँको बालपुस्तक 'उल्टो जुत्ता'मा आधारित बालचलचित्र 'जुनूको जुत्ता'ले काठमाडौँ अन्तर्राष्ट्रिय पर्वतीय चलचित्र महोत्सवमा उत्कृष्ट कथानक पुरस्कार प्राप्त गरेको थियो भने ६६औँ अन्तर्राष्ट्रिय सर्ट फिल्म फेस्टिभल ओवरहोउसेन जर्मनीमा उत्कृष्ट सर्ट फिल्म अवार्ड प्राप्त गरेको थियो ।
यशु श्रेष्ठ शैक्षिक सामग्री निर्माण, कथा लेखन, कथावाचनलगायतका विषयमा कार्यशालाहरू सञ्चालनमा समेत सक्रिय हुनुहुन्छ ।
उहाँ हाल ललितपुर जिल्लाको महालक्ष्मी नगरपालिका-९, लामाटारमा बसोबास गर्दै आउनुभएको छ ।
Read More
रश्मी श्रेष्ठ
About the Illustrators
रश्मी श्रेष्ठ युवा चित्रकार एवम् डिजाइनर हुनुहुन्छ । बुढानिलकण्ठ काठमाडौँकी श्रेष्ठ हाल त्रिभुवन विश्वविद्यालय ललितकला विभागमा स्नातकोत्तर तहमा अध्ययन गर्दै हुनुहुन्छ । उहाँले सृजना कलेज अफ फाइन आर्ट्सबाट स्नातक तह पुरा गर्नुभएको हो ।
उहाँले परिचय पब्लिकेसनबाट प्रकाशित पुस्तकहरू केटाकेटी र केराउ जालीमा चरी हराएको बचेरो जङ्गलको दमकल मैनबत्ती र दाउरेमा चित्राङ्कन गर्नुभएको छ । उहाँले चित्र बनाउनुभएका रविन र साथीहरू छाउरो र पाठो आलुका नेपाली परिकार अँध्यारो रुख दाँत हल्लियो आमा जस्तै बन्छु म र झोलामा के होला लगायतका पुस्तक प्रकाशित छन् ।
उहाँ नेपाल ललितकला प्रज्ञा प्रतिष्ठानद्वारा सन् २०१९ मा आयोजीत राष्ट्रव्यापी पोष्टर डिजाइन प्रतियोगितामा प्रथम हुनुभएको थियो । उहाँले द बड्स २०१९ साथै सृजना कलेज अफ फाइन आर्ट्सले २०२३ मा आयोजना गरेको बिएफए शो मार्फत पनि आफ्ना कलाहरू प्रदर्शन गर्नुभएको छ ।
सम्पर्क - [email protected]
Read More
