100.00
काग काँ काँ
Description
विभिन्न जनावरले निकाल्ने आवाज कथाको मूल विषय हो । यो चन्द्रबिन्दु लागेका शब्दहरू अत्यधिक प्रयोग भएको डिकोडेबल पठन सामग्री हो ।
यशु श्रेष्ठ
About the Author
यशु श्रेष्ठ बालसाहित्य सृजनामा सर्वाधिक व्यस्त स्रष्टा हुनुहुन्छ । विक्रम सम्वत् २०३९ असोज १० गते धादिङको गजुरीमा जन्मनुभएका श्रेष्ठका २०० भन्दा बढी पुस्तक बालबालिका लागि प्रकाशित भइसकेका छन् ।
बालबालिकालाई नेपाली मात्राहरूको चिनारी गराउने मात्राअनुसारका चित्रकथाहरूको दुई ओटा शृङ्खला परिचय पब्लिकेसनबाट प्रकाशित गराउनुभएका श्रेष्ठका 'झिँगासँग लडाइँ', 'पहरेदार सिन्का र बोरा', 'गुलाफको फूल', 'छेपारो र बिरालो', 'उज्यालो आकाश', 'फेरि खुसी आउनेछ', 'सुकाएको धान', 'कसको कपाल', 'रमाइलो खेतबारी', 'रहरै रहर', 'पन्टु र परी', 'सर्पको गाउँ', 'छुकछुक', 'मनको लड्डु', 'बाँस मेला', 'सानी हजुरआमा', 'खुसी खुसी', 'जे पनि मुखैमा', 'चिलमाथि घर', 'बनेली', 'सानो छहारी', 'उल्टो जुत्ता' सहितका बालपुस्तक प्रकाशित छन् । उहाँले बालबालिकाका लागि शब्दविहीन चित्रकथा, चित्रकविता, चित्रकथा र अध्याय पुस्तकहरूसम्मका पठन सामग्री लेख्नुभएको छ । उहाँले झण्डै उत्तिकै सङ्ख्यामा बालपुस्तकहरूको सम्पादन पनि गर्नुभएको छ ।
रौतहटको चन्द्रपुर स्थायी घर भएका श्रेष्ठ बालबालिका र बालसाहित्यसँग सम्बन्धित विभिन्न पत्रपत्रिका जर्नल र अन्य प्रकाशनहरूको सम्पादनमा पनि संलग्न रहँदै आउनुभएको छ । नेपाल बालसाहित्य समाजका पूर्व महासचिव श्रेष्ठ कथावाचक समाजका पनि महासचिव हुनुहुन्छ ।
समाजशास्त्रमा स्नातकोत्तर पूरा गरेका श्रेष्ठले केटाकेटी उत्कृष्ट लेखक सम्मान–२०६१, नूर गङ्गा राष्ट्रिय बालसाहित्य नवप्रतिभा पुरस्कार–२०६९, नेपाल बालसाहित्य समाज उत्कृष्ट बालपुस्तक लेखन पुरस्कार–२०७४ प्राप्त गर्नुभएको छ । उहाँको बालपुस्तक 'उल्टो जुत्ता'मा आधारित बालचलचित्र 'जुनूको जुत्ता'ले काठमाडौँ अन्तर्राष्ट्रिय पर्वतीय चलचित्र महोत्सवमा उत्कृष्ट कथानक पुरस्कार प्राप्त गरेको थियो भने ६६औँ अन्तर्राष्ट्रिय सर्ट फिल्म फेस्टिभल ओवरहोउसेन जर्मनीमा उत्कृष्ट सर्ट फिल्म अवार्ड प्राप्त गरेको थियो ।
यशु श्रेष्ठ शैक्षिक सामग्री निर्माण, कथा लेखन, कथावाचनलगायतका विषयमा कार्यशालाहरू सञ्चालनमा समेत सक्रिय हुनुहुन्छ ।
उहाँ हाल ललितपुर जिल्लाको महालक्ष्मी नगरपालिका-९, लामाटारमा बसोबास गर्दै आउनुभएको छ ।
Read More
सुमन महर्जन
About the Illustrators
सुमन महर्जन नेपालको बालसाहित्य क्षेत्रका एक अग्रणी युवा चित्राङ्कनकर्ता हुनुहुन्छ । उहाँले ६० भन्दा बढी बालपुस्तकहरूमा चित्राङ्कन गरिसक्नुभएको छ ।
सिर्जना कलेज अफ फाइन आर्ट्सबाट ललितकलामा स्नातक उहाँले प्रत्येक पुस्तकमा नयाँ प्रविध र शैलीको अन्वेषण गर्दै उत्कृष्ट चित्रहरू प्रस्तुत गर्नुहुन्छ । उहाँले चित्राङ्कन गर्नुभएका शब्द विहिन चित्रकथा 'छेपारो र बिरालो', मात्रा अनुसारका चित्रकथा 'काग काँ काँ', 'कोहो कोहो', 'खेलौना र खेल' साथै 'हंसराज र सिंह' परिचय पब्लिकेसनबाट प्रकाशित छन् । त्यसैगरी, 'हजुरआमा आउनुभयो', 'कपिलाको कथा' र 'कसको कपाल' उहाँको कलाकारिता झल्काउने पुस्तक हुन् । उहाँले चित्राङ्कन गर्नुभएका अन्य चर्चित पुस्तकमा 'बिचरो बुख्याँचा', 'मेरो कथाको एलियन', 'चोरी भो जुत्ता', 'न त मम न त बारा' आदि हुन् ।
नेपाल बाल साहित्य समाजले वर्षेनी प्रदान गर्ने उत्कृष्ट बाल चित्राङ्कनकर्ताको पुरस्कार उहाँले दुई पटक प्राप्त गरिसक्नुभएको छ ।
उहाँ काष्ठकला इचिङ इम्बोस लगायतका अन्य कला विधामा पनि सक्रिय हुनुहुन्छ । उहाँ राम्रा एनिमेटरमा पनि गनिनुहुन्छ । उहाँले दुई वटा एक कला प्रदर्शनी सम्पन्न गर्नुभएको छ भने अन्य धेरै सामुहिक र संयुक्त प्रदर्शनीहरुमा सहभागी भइसक्नुभएको छ । एक समय उहाँले 'यो साता' पत्रिकामा चित्रकार एवम् कार्टुनिष्टको रुपमा समेत काम गर्नुभयो । उहाँले कलासम्बन्धि एक दर्जनबढी तालिम र कार्यशालाहरुमा समेत सहभागीता जनाउनुभएको छ ।
उहाँका सृजनात्मक दृष्टि र परिश्रमले नेपाली बालसाहित्यलाई रङ्गीन र मनोरम बनाउँदै आएको छ ।
सम्पर्क - [email protected]
Read More
