Services
पुस्तकालय स्थापना/व्यवस्थापन
संसारका बारेमा प्रश्न सोध्ने र जवाफ खोज्ने सबैभन्दा उपयुक्त थलो पुस्तकालय नै हो । त्यसमा पनि एउटा जीवन्त विद्यालयका लागि पुस्तकालय एक महत्वपूर्ण अङ्ग हो । एउटा पुस्तकालयमा छिर्ने विद्यार्थी वा मानिसले आफ्नो रुचीअनुसार सामान्य ज्ञान, धर्म, दर्शन, सामाजिक विज्ञान, भाषा, विज्ञान, प्रविधि, कला, आफ्नो उमेर सुहाउँदो साहित्य, भूगोल, इतिहास आदि विषयगत र विधागत पुस्तकहरू प्राप्त गर्न सक्नु पर्दछ ।
परिचय पब्लिकेसनले सार्वजनिक एवम् विद्यालयस्तरीय पुस्तकालयहरूका लागि कुन आधारमा, कसरी अनि कस्ता पुस्तकहरू छनौट गर्ने साथै तिनको व्यवस्थापन कसरी गर्ने भनेर परामर्श उपलब्ध गराउँदै आएको छ ।
पठन संस्कृतिको विकासमा कसरी पुस्तकालयलाई आकर्षक र विवधतायुक्त बनाउन सकिन्छ भनेर विज्ञहरूको रायका आधारमा तयार पारिएको पुस्तक छनोट मापदण्ड र व्यवस्थापन मापदण्डका आधारमा हामी पुस्ताकलय स्थापना र स्तरबृद्धिमा काम गर्न रुचाउँछौँ । हामी पुस्तकालय व्यवस्थित गर्न आवश्यक पर्ने विधि सँगसँगै सामग्रीसमेत उपलब्ध गराउँछौँ । हामी विद्यालयहरूलाई पुस्तकालयको उपयोगका सन्दर्भमा समेत सहजीकरण गर्दछौँ ।
