Services
कथावाचन सत्र/कार्यशाला
कथावाचन आफैँमा शब्द, संकेत वा क्रियाकलाप प्रयोग गरेर आफ्ना अनुभव, जानकारी वा विचारहरू वर्णन गर्ने वा अभिव्यक्त गर्ने कला हो । आवश्यक परिष्कार, परिमार्जन, हाउभाउ, अभिनय वा साजसज्जाका साथ कथा सुनाउने सामाजिक एवम् सांस्कृतिक क्रियाकलापको नाम नै कथावाचन हो । प्रत्येक संस्कृतिमा कथावाचनको परम्परा पाइन्छ र यसको ध्येय मनोरञ्जन प्रदान गर्नु, शिक्षा दिनु र अर्को पुस्तामा संस्कृति र नैतिक मूल्यहरूको प्रसार गर्नु हो । हाम्रो समाजमा हजुरबा हजुरआमा वा अभिभावकले बालबालिकालाई कथा सुनाउने परम्परा पाइन्छ ।
बाल्यकालमा सुनेका कथाहरूले मानिसको विकासमा महत्त्वपूर्ण भूमिका खेल्छन् । कथामार्फत बालबालिकाको भाषिक र भावनात्मक विकासमा सहयोग पुग्दछ । यसैगरी कल्पनाशक्ति र नैतिकताको विकासमा पनि कथाको महत्त्व पाइन्छ । कथावाचन मार्फत बालबालिकालाई सृजनात्मक बनाउन पनि सहयोग पुग्दछ ।
यसैकारण परिचय पब्लिकेसनले विद्यालय तहका शिक्षक, विद्यार्थी र अभिभावकहरूको कथावाचन शिल्प बढाउन कथावाचनका सत्र साथै कथावाचनलाई कसरी रमाइलो, आकर्षक र ज्ञानबर्द्धक बनाउन सकिन्छ भन्ने बारे कार्यशालाहरू समेत सञ्चालन गर्दै आइरहेको छ ।
