Services
लेखन कार्यशाला
सबैसँग अरूलाई सुनाउन मन भएका कुरा र कथाहरू (अनुभव, अनुभूति, कल्पना र विचारहरू) हुन्छन् । ती कुरा र कथा सुनाउने सबैभन्दा उपयुक्त माध्यम भनेको सृजनात्मक लेखन नै हो । त्यसैले, बालबालिकालाई सृजनात्मक लेखनमा प्रेरित गर्न लेखन कार्यशालाहरूको आवश्यकता पर्दछ । उनीहरूसँग दैनिक काम गर्ने शिक्षक र अभिभावकले पनि सृजनात्मक लेखनका प्रकृया र विधिहरूबारे स्पष्ट हुन जरुरी हुन्छ ।
यही आवश्यकतालाई मध्यनजर गरेर अनुभवी लेखक, विषयविज्ञ, बालबालिका, शिक्षक र अभिभावकहरूलाई एक ठाउँमा ल्याएर सृजनात्मक लेखनमा प्रेरित गर्ने कार्यशाला सञ्चालनमा परिचय पब्लिकेसनले विद्यालय तथा विभिन्न संघ–संस्था र निकायहरूलाई सहयोग गर्दै आइरहेको छ । लेखनका विभिन्न विधा र तिनका अवयवहरूको चर्चासँगै स्थानीय र वैयक्तिक अनुभवहरूलाई कथा, कविता र निबन्धमा ढाल्ने, समीक्षा गर्ने साथै परिष्कार गर्ने सीप विकास गर्नु यस्ता कार्यशालाका उद्देश्य हुन् ।
