180.00
फुल्न खोज्ने कोपिला
Description
फुल्न खोज्ने कोपिला २० वटा बालकविताको सङ्ग्रह हो । समय, यातायात, चाडपर्व, विज्ञान, वातावरण, व्यक्तित्व जस्ता विषयमा कविताहरू छन् । कविता र गीत जस्ता बालबालिकाको रुचीको क्षेत्रलाई पुस्तकले टेवा दिन्छ ।
बालिका घिमिरे
About the Author
बालिका घिमिरे बालगीत र बालकविता लेखनमा चर्चित हुनुहुन्छ । परिचय पब्लिकेसनबाट उहाँको बालकविताहरूको सङ्ग्रह फुल्न खोज्ने कोपिला प्रकाशित छ । उहाँको सजिलो नेपाली माला, ऋतु गीत जस्ता बाल कविताका कविता र गीतका पुस्तक प्रकाशित छन् । उहाँले पूर्व प्राथमिक तहका विद्यार्थीहरुका लागि तयार पार्नुभएका अल इन वान लर्न विथ फन जस्ता क्रियाकलापमा आधारित पुस्तक पनि प्रकाशित छन् ।
बालिकाको बालसंसार भाग १ र भाग २ गरी उहाँका बालगीतहरूका दुई वटा सिडी पनि बजारमा आएका छन् । अ को अनार खाउँला, हेर भयो विहानी जस्ता उहाँका बालगीत बालबालिकाबीच निकै लोकप्रिय पनि छन् ।
बालबालिकाको संसारमा रमाउने घिमिरे २२ वर्षदेखि निरन्तर शिक्षण पेशामा हुनुहुन्छ । काठमाडौँ बानेश्वरस्थित काठमाडौँ प्रज्ञा कुञ्ज स्कुलको पूर्वप्राथमिक तहको संयोजकको रुपमा सानासाना बाबुनानीको भविष्य तयार पार्न तल्लिन हुनुहुन्छ । उहाँले विगतमा हिमालय एकेडेमी काठमाडौँ र दिव्य दीपज्योति इङ्गलिस स्कुल भक्तपुरमा पनि शिक्षकको रुपमा काम गर्नुभएको छ । उहाँले महेन्द्र मोरङ बहुमुखी क्याम्पसबाट स्नातक तहसम्मको अध्ययन पुरा गर्नुभएको छ ।
उहाँले शिक्षण विधिलाई बालमैत्री कृयाकलापमा आधारित सहज र प्रभावकारी बनाउन धेरै तालिम र प्रशिक्षण कार्यक्रममा सहभागीता जनाउनु भएको छ ।
सम्पर्क - [email protected]
Read More
देव कोइमी
About the Illustrators
देव कोइमी चित्रकारिता र संगीत क्षेत्रमा सक्रिय कलाकार हुनुहुन्छ । उदयपुरको त्रियुगा नगरपालिका स्थायी घर भएका देवराम राई चित्रकारितामा आफुलाई देव कोइमीको नामले चिनाउनु हुन्छ ।
२०४१ साल साउन ८ गते जन्मनुभएका राईले त्रिभुवन विश्वविद्यालयबाट अङ्ग्रेजी साहित्यमा स्नातकोत्तर तह पुरा गर्नुभएको छ । उहाँले 'राक्षस र बालबालिका', 'कल्की', 'तिल्के सुगा', 'पहरेदार सिन्का र बोरा', 'पातको श्रीपेच', 'फुल्न खोज्ने कोपिला', 'एउटा कथा भन्नु न हजुरआमा', 'गल्ति पत्ता लगाउने नाति', 'तातेताते', 'उड्ने घोडा', 'खरायोको प्यारासुट', 'मेरो सिकाइको साथी', 'मुस्ताङको गुफा' जस्ता १५० भन्दा बढी पुस्तकमा चित्रकारको रुपमा काम गर्नुभएको छ ।
बाल प्रतिभा, चिचिला, पहुँच जस्ता पत्रपत्रिकामा समेत चित्रकारका रुपमा काम गर्नुभएका देव कोइमी नेपाल ललितकला प्रतिष्ठान र कार्टुनिष्ट क्लबले आयोजना गरेको राष्ट्रिय कार्टुन प्रदर्शनीमा समेत सहभागी हुनुहुन्थ्यो ।
सम्पर्क - [email protected]
Read More
