Menu
मिलिक मिलिक बिजुली 210.00

मिलिक मिलिक बिजुली

  • Writer:शान्ति पराजुली
  • Illustrator:रविन्द्र मानन्धर
  • Genre:सचित्र कवितासङ्ग्रह
  • Language:नेपाली
  • First Published:2082
  • Pages:28+4
  • ISBN:978-9937-743-60-0
  • Description

    मिलिक मिलिक बिजुली १९ वटा बालकविता र गीतको सङ्ग्रह हो । यसमा सङ्ग्रहित बालकवितामा नेपाली संस्कृति, हावापानी, भूगोल, असल बानीव्यवहार आदि बारे चर्चा गरिएको छ । यसमा रहेका बालकविताहरु लय हालेर गाउन साह्रै उपयोगी छन् ।

    शान्ति सापकोटा

    शान्ति सापकोटा

    About the Author

    शान्ति सापकोटा बालसाहित्य र छन्द कविताको क्षेत्रमा परिचित हुनुहुन्छ । २०२८ साल चैत्र ७ गते स्याङ्जाको वालिङमा जन्मनुभएकी शान्ति सापकोटा हाल बालबालिकाको सृजनात्मक क्षमता अभिवृद्धिका लागि काम गरिरहनुभएको छ ।

    उहाँका 'मिलिक मिलिक बिजुली', 'चितुवालाई झ्याइँकुटी', 'नारायणीपारि', 'झ्याउँकिरी र जुनकिरी', 'सिमसारको शङ्खे' जस्ता बालपुस्तकहरू प्रकाशित छन् भने उहाँको 'मङ्की माइण्ड' शिर्षकको किशोरकथा सङ्ग्रह चर्चित छ । उहाँको 'रहस्य' नामको छन्द कविता सङ्ग्रह पनि प्रकाशित छ ।

    विभिन्न संघसंस्थामा परियोजना संयोजक भएर काम गर्नुभएकी शान्ति सापकोटा लायन्स क्लब, राइनो क्लब जस्ता संस्थामा आबद्ध रही समाजसेवामा समेत सक्रिय हुनुहुन्छ । उहाँले समाजशास्त्रमा स्नातकोत्तर पुरा गर्नुभएको छ ।

    उहाँले महाकवि लक्ष्मीप्रसाद देवकोटा काव्यिक पुरस्कार २०७२, पुष्कर गौतम तन्नेरी बालसाहित्य पुरस्कार २०७३, छन्दतरङ्ग सम्मान, बद्रिनाथ अभिनव छन्दोबद्ध पुरस्कार २०८१, जयहीरा बालवाङ्मय किशोर आख्यान पुरस्कार २०८१ जस्ता पुरस्कार र सम्मान प्राप्त गर्नुभएको छ ।

    उहाँ नेपाल बालसाहित्य समाज, बालवाङ्मय तथा अनुसन्धान केन्द्र, सिर्जनशील लेखन समाज, पेन नेपाल जस्ता साहित्यिक संघ संस्थामा विभिन्न पदमा रही सक्रिय हुनुहुन्छ ।

    Read More
    रविन्द्र मानन्धर

    रविन्द्र मानन्धर

    About the Illustrators

    रविन्द्र मानन्धर चर्चित कार्टुनिष्ट एवम् इलस्ट्रेटर हुनुहुन्छ । त्रिभुवन विश्वविद्यालयबाट तथ्याङ्क शास्त्रमा एमएस्सी र फिजिक्समा बिएस्सी अध्ययन गर्नुभएका मानन्धरका लागि कला चाहिँ जीवनभरको रुची र क्रियाशिलताको क्षेत्र हो ।

    मानन्धरले परिचय पब्लिकेसनबाट प्रकाशित पुस्तक मिलिकमिलिक बिजुलीमा चित्राङ्कन गर्नुभएको छ । उहाँले आफ्नै कथा र चित्रका साथमा केहि चित्रपुस्तकहरू प्रकाशन समेत गर्नुभएको छ । उहाँले विश्व स्वास्थ्य संगठन युनिसेफ जस्ता संस्थाका लागि समेत चित्राङ्कनका कामहरू गर्नुभएको छ ।

    नेपाल साप्ताहिक कान्तिपुर दैनिक हिमाल मिडिया पहिलो पोष्ट जस्ता आमसञ्चार माध्यममा चित्रकारको रुपमा काम गरिसक्नुभएका मानन्धर हाल लोकान्तर डट कम र नेपालभ्युज डटकम साथै सौर्य दैनिकमा चित्राङ्कनका काम गरिरहनुभएको छ । उहाँले नेपाल ललितकला प्रज्ञा प्रतिष्ठान र नेपाल प्रज्ञा प्रतिष्ठानबाट कार्टुन चित्रहरूका लागि विभिन्न पुरस्कार प्राप्त गर्नुभएको छ ।

    सम्पर्क - [email protected]

    Read More