अर्पिता शाक्य
Our Illustrator
अर्पिता शाक्य करिब डेढ दशकदेखि स्वतन्त्र चित्रकारका रुपमा काम गरिरहनुभएको छ । सृजना कलेज अफ फाइन आर्ट्सबाट ललितकलामा स्नातक तह पुरा गर्नुभएकी शाक्यले त्रिभुवन विश्वविद्यालय केन्द्रिय क्याम्पसबाट ललितकलामा नै स्नातकोत्तर तहको अध्ययन पुरा गर्नुभएको छ ।
काठमाडौँ ताहाचल निवासी शाक्यले परिचय पब्लिकेसनका लागि सुरुभक्तको बालकथा सङ्ग्रह नातिका कथामा चित्र बनाउनुभएको छ । २०४४ साल फागुन १० गते जन्मनुभएकी शाक्यले विभिन्न प्रकाशन गृहबाट प्रकाशित केहि दर्जन पुस्तकमा चित्र बनाउनुभएको छ । उहाँ विभन्न विद्यालय एवम् सृजना आर्ट ग्यालरीमा बालबालिकाका लागि सञ्चालित हुने ललितकला कक्षाहरूमा प्रशिक्षकको रुपमा समेत काम गर्नुहुन्छ । उहाँले पेज थ्री पाक्षिकमा समेत चित्रकारका रुपमा काम गर्नुभएको छ ।
उहाँले प्रशान्त स्मृति पुरस्कार प्राप्त गर्नुभएको छ भने सन् २०१३ मा सम्पन्न युएस एम्बेसी आर्ट कम्पिटिसन सहित अन्य विभिन्न प्रतिस्पर्धामा पुरस्कृत हुनुभएको छ । उहाँ कला र बालसाहित्यसँग सम्बन्धित विभिन्न कार्यशाला र प्रदर्शनीहरूमा नियमित रुपमा सहभागी हुँदै आउनुभएको छ ।
सम्पर्क - [email protected]
Books from the Illustrator अर्पिता शाक्य
