युवक श्रेष्ठ
Our Illustrator
युवक श्रेष्ठ कार्टुन र इलस्ट्रेसन क्षेत्रका उम्दा कलाकार हुनुहुन्छ । २०२९ साल भदौ ६ गते काठमाडौँमा जन्मनुभएका श्रेष्ठले ललितकला क्याम्पसबाट स्नातक तह पुरा गर्नुभएको छ ।
उहाँ नेपाल रिपब्लिक मिडियामा इलस्ट्रेटर र कार्टुनिष्टका रुपमा कार्यरत हुनुहुन्छ । उहाँ आर्ट पेज नामको इलेस्ट्रेसन स्टुडियोमा पनि आवद्ध हुनुहुन्छ । उहाँले बालकोशेली पत्रिकामा समेत कला सम्पादकका रुपमा काम गर्नुभएको थियो । उहाँ आर्टिस्ट्स सोसाइटी अफ नेपालको सदस्य हुनुहुन्छ ।
उहाँले परिचय पब्लिकेसनबाट प्रकाशित पुस्तक नाना देऊ पुतलीमा चित्राङ्कन गर्नुभएको छ । उहाँले चित्राङ्कन गर्नुभएका ठाडेको साँघु कथा सानु बेलाको सन्तोष र हराएको सूर्य रामुको किनमेल ककाकिकी म हुँ फलाम थोती साथै माटो जस्ता पुस्तकहरु प्रकाशित भएका छन् ।
उहाँले २०५९ सालमा शान्तिको आत्मकथा २०६१ सालमा सानी र सुरी साथै २०६४ मा आमाको उपचार पुस्तकमा गरेको इलस्ट्रेसनका लागि नेपाल बालसाहित्य समाजबाट उत्कृष्ट चित्रको पुरस्कार प्राप्त गर्नुभएको छ । उहाँ विभिन्न चित्रकला पोष्टर एवम् कार्टुन प्रदर्शनीमा सहभागी हुनुभएको छ ।
उहाँले प्लान इन्टरनेसनल नेपाल डब्ल्यू डब्ल्यू एफ नेपाल रुम टु रिड जस्ता संस्थाहरुका लागि पनि चित्राङ्कनको काम गर्नुभएको छ । उहाँले एक समय ललितपुरको गणेश मेमोरियल उच्च माविमा चित्र प्रशिक्षकको रुपमा समेत काम गर्नुभएको थियो ।
सम्पर्क - [email protected]