किशोर कनौजिया
Our Illustrator
किशोर कनौजिया पुस्तकहरुमा चित्र बनाउने र डिजाइन गर्ने काममा तल्लिन कलाकार हुनुहुन्छ । २०३५ साल माघ ७ गते काठमाडौँमा जन्मनुभएका कनौजिया ललितकलामा स्नातक हुनुहुन्छ ।
कलाकारहरूको समुह स्पेक्ट्रम र कमर्सियल आर्टिस्ट एसोसियसन अफ नेपालका सदस्य कनौजियाले परिचय पब्लिकेसनबाट प्रकाशित खपटे र पङ्खे बौवाको दौरा र मयूर पुस्तकमा चित्र बनाउनुभएको छ ।
द हिमालयन टाइम्स र अन्नपूर्णपोष्टमा इलेस्ट्रेटर र डिजाइनको काम गर्नुभएका कनौजियाले अन्य विभिन्न प्रकाशन गृहका पुस्तकहरुको डिजाइन र चित्राङ्कनको काम गर्नुभएको छ । उहाँसँग यति डिजिटल एनिमेसन स्टुडियोमा काम गरेको अनुभव समेत छ । उहाँ आदर्श जनप्रेमी स्कुल कौशलटार भक्तपुर सहित केहि स्कुलमा कला प्रशिक्षकका रुपमा पनि सक्रिय हुनुहुन्छ भने करिब एक दर्जन विद्यालयमा कला प्रशिक्षकका रुपमा काम गरिसक्नुभएको छ ।
ललितकलासँग सम्बन्धित विभिन्न तालिमहरू समेत लिनुभएका कनौजियाले करिब एक दर्जन सामुहिक कला प्रदर्शनीहरूमार्फत पनि आफ्ना कलाहरू सार्वजनिक गरिसक्नुभएको छ । युनिफेमले सन् २००२ मा आयोजना गरेको पोष्टर प्रतियोगितामा प्रथम पुरस्कार प्राप्त गर्नुभएका कनौजियाले अन्य केहि प्रतिस्पर्धा समेत पुरस्कार प्राप्त गर्नुभएको छ ।
सम्पर्क - [email protected]
Books from the Illustrator किशोर कनौजिया
