यज्यु मानन्धर
- Home
- यज्यु मानन्धर
यज्यु मानन्धर सक्रिय युवा कलाकार हुनुहुन्छ । सृजना कलेज अफ फाइन आर्ट्सबाट उच्च माध्यमिक तह पुरा गरेका मानन्धरले काठमाडौँ युनिभर्सिटीबाट स्टुडियो आर्टमा स्नातक पुरा गर्नुभएको छ । उहाँ हाल लुम्बिनी बौद्ध विश्वविद्यालयबाट म्युजियोलोजीमा स्नतकोत्तर तहको अध्ययन गर्दै हुनुहुन्छ ।
उहाँ अध्ययन स्कुल र सनराइज बोर्डिङ स्कुलमा आंशिक कला शिक्षकका रुपमा बालबालिकासँग काम गरिरहनुभएको छ भने बालपुस्तकहरुका लागि चित्राङ्कन समेत गरिरहनुभएको छ । उहाँले कलाकार बाँदर चरीको न्याय अचम्मकी सन्ध्या टर्मापा साधनको रुख महान जादुगर ओज जस्ता पुस्तकहरुमा चित्र बनाउनुभएको छ ।
उहाँ काठमाडौँ र विदेशका समेत विभिन्न कला गतिविधिहरूमा सक्रिय हुनुहुन्छ । उहाँले माइक्रो ग्यालरिजको पाटनमा सम्पन्न नवौँ संस्करण र फिलिपिन्समा सम्पन्न दसौँ संस्करणमा भाग लिनुभएको छ । उहाँले सगरमाथा नेक्स्ट वेस्ट टु आर्ट परियोजनामा समेत सहभागी हुनुभएको छ ।
उहाँ ग्यालरी एमक्यूब लसाना र काठमाडौँ युनिभर्सिटीका कला गतिविधिहरूमा पनि सक्रिय हुनुहुन्छ । बालपुस्तकहरूमा चित्राङ्कन गर्दा उहाँ बाल मनोविज्ञानको ख्याल गर्नुपर्ने कुराको पक्षपाति हुनुहुन्छ ।
सम्पर्क - [email protected]