विजयराज शाक्य
Our Illustrator
विजयराज शाक्य पारिवारिक रुपमा हेर्दा तेस्रो पुस्ताको कलाकार हुनुहुन्छ । २०२६ साल असार २९ गते ललितपुरमा जन्मनुभएका शाक्यका हजुरबा बज्रराजले काष्ठकलामा समर्पित भई २०४९मा इन्द्रराज्यलक्ष्मी प्रज्ञा पुरस्कार प्राप्त गर्नुभएको थियो भने बुबा हर्षबहादुर ललितकला क्याम्पसमा कष्ठकलाका अध्यापक हुनुहुन्छ । बिजयराजले पनि ललितकला क्याम्पसबाट स्नातक गर्नुभएको छ । काष्ठकलासँगै उहाँको रुची चाहिँ पेन्टिङ्गमा छ ।
उहाँले परिचय पब्लिकेसनका लागि 'झिँगासँग लडाइँ' पुस्तकमा चित्र बनाउनुभएको छ । उहाँ र प्रज्वल थापा मगरले मिलेर 'फेरि खुसी आउनेछ' पुस्तका लागि पनि चित्र बनाउनुभएको छ ।
उहाँले सिद्धार्थ वनस्थली इन्स्टिच्युट काठमाडौँ भ्याली स्कुल गणेश मेमोरियल बोर्डिङ स्कुल लगायतमा कला शिक्षकका रुपमा काम गर्नुभएको छ । उहाँले चित्र बनाउनु भएको कमिक द लाइफ अफ बुद्ध नेदरल्याण्ड्सबाट प्रकाशित भएको छ ।
उहाँले सन् १९९९ मा काठमाडौँमा सम्पन्न आठौँ दक्षिण एशियाली खेलकुदको मस्कट बनाउनुभएको थियो भने चौथो राष्ट्रिय खेलकुद प्रतियोगीता र नेपाल ओलम्पिक कमिटीको लोगो समेत तयार पार्नु भएको थियो । उहाँ विभिन्न कला प्रदर्शनी कार्टुन प्रदर्शनी र कलासँग सम्बन्धित दर्जनौँ प्रतिस्पर्धामा सहभागीता जनाई पुरस्कृत समेत हुनुभएको छ ।
सम्पर्क - [email protected]