150.00
को बाठो
Description
सिंह फ्याउरोको शिकार गर्न चाहन्छ । ऊ बठ्याईँ गर्छ । फ्याउरो पनि सिंहबाट बच्न जुक्ति लगाउँछ । यी दुईमा को बाठो निस्कन्छ ? यो पुस्तकले त्यही जवाफ दिन्छ । यो पुरानो लोककथाको कवितात्मक पुनर्कथन हो ।
नवीन खतिवडा
About the Author
नवीन खतिवडा सृजनात्मक लेखन, अनुवाद र शोध कार्यमा रुची राख्नुहुन्छ । परिचय पब्लिकेसनमा आबद्ध खतिवडाका 'निर्मलको निद्रा' र 'रुखमा बल' बालचित्रकथा पुस्तक प्रकाशित छन् । नेपाली लोककथाहरूलाई कविताका रुपमा पुनर्कथन गर्दै उहाँले 'गाउने कथा', 'को बाठो', 'जरायोको ज्ञान', 'दाउरे' र 'न्याउरी मुसो' जस्ता पुस्तक प्रकाशन गर्नुभएको छ । उहाँले सहलेखन गर्नुभएका पुस्तकहरू 'अक्षरका गीत', 'आधा आधा आलु' र 'गाउँदै गन्दै खेल्दै' पनि उपलब्ध छन् । उहाँले बालबालिकाका लागि 'फलफूल' र 'चराहरू' शिर्षकका तथ्य पुस्तकहरूसमेत लेख्नुभएको छ ।
उहाँले रस्किन बण्डको चर्चित उपन्यास 'ब्लू अम्ब्रेला' र अन्य कथाहरूलाई नेपालीमा अनुवाद गरी 'निलो छाता' र 'बुद्धिमानीका कथा' शिर्षकका दुई पुस्तक बजारमा ल्याउनुभएको छ । उहाँले श्रीलङ्काली विभिन्न लेखकहरूद्वारा अङ्ग्रेजीमा लेखिएका बालचित्रपुस्तकहरुको नेपाली अनुवाद गरी 'बोलीको तागत', 'सुँघ्दै सुँघ्दै', 'थरी थरी मुहार', 'मालतीको जन्मदिन', 'सानीको उपाहार', 'भुक्के भालु र साने खरायो', 'कसको आवाज हो' जस्ता ३ देखि ६ वर्षको उमेर समुहका बालबालिकालाई उपयुक्त हुने पुस्तक तयार पार्नुभएको छ । उहाँको अनुवादमा तयार भएका 'छिटो गर्नु न', 'हामी सबै प्राणी', 'सोनामको स्कुल सपना', 'मुस्कान र मह' जस्ता पुस्तक परिचय पब्लिकेसनबाट प्रकाशित छन् ।
२०३९ साल असार १८ गते मोरङको लेटाङमा जन्मनुभएका खतिवडाले त्रिभुवन विश्वविद्यालयबाट अङ्ग्रेजी साहित्य र पूर्वाञ्चल विश्वविद्यालयबाट आमसञ्चार तथा पत्रकारिता विषयमा स्नातकोत्तर अध्ययन पूरा गर्नुभएको छ ।
पत्रकारिता क्षेत्रमा पनि संलग्न खतिवडासँग विगतमा रेडियो अन्नपुर्ण पोखरा, कान्तिपुर एफ एम, कान्तिपुर टेलिभिजन, नागरिक दैनिक, रिपब्लिका दैनिक र अनलाइन साथै खेलाडी डट कम आदिमा काम गरेको अनुभव छ ।
खतिवडा नेपाल बालसाहित्य समाजका आजीवन सदस्य हुनुहुन्छ । उहाँ आमसञ्चार र पत्रकारिता क्षेत्रको अध्ययन र अनुसन्धानमा सक्रिय संस्था सेन्टर फर मिडिया रिसर्चको सचिव पनि हुनुहुन्छ ।
Read More
विवेक लामा (कलाग्रज वि)
About the Illustrators
भिजुअल आर्टिष्ट विवेक लामा इलस्ट्रेसन गर्दा कलाग्रज वि नाम प्रयोग गर्नुहुन्छ । २०५४ साल फागुन ३ गते काठमाडौँको तारकेश्वरमा जन्मनुभएका लामाले सृजना कलेज अफ फाइन आर्ट्सबाट ललितकलामा स्नातक गर्नुभएको छ ।
उहाँले परिचय पब्लिकेसनबाट प्रकाशित पुस्तकहरू घैँटो कि घण्टी, गँडाहाहरूको गाउँ, को बाठो, जरायोको ज्ञान, न्याउरी मुसो, घटोत्कचको आत्मकथा, पाठ, पृथ्वीको सवाइ, मित्रताको कथा, लाहुरेको सन्तान, सजायको अन्त्यमा चित्राङ्कन गर्नुभएको छ । उहाँले बाघसँग जम्काभेट नामको किताबमा गर्नुभएको चित्राङ्कनका लागि नेपाल बालसाहित्य समाजबाट २०७८ सालको उत्कृष्ट बालपुस्तक चित्राङ्कन पुरस्कार प्राप्त गर्नुभएको छ । उहाँले रुम टु रिडबाट प्रकाशित पुस्तक टिभी टाइममा पनि चित्राङ्कन गर्नुभएको छ ।
उहाँले ट्रान्सपरेन्सी इन्टरनेसनल नेपालले सन् २०२० मा आयोजना गरेको भ्रष्टचारविरोधी चित्रकला प्रदर्शनी एवम् प्रतिस्पर्धामा प्रथम स्थान हासिल गर्नुभएको थियो । यसैगरी उहाँले सार्क क्षयरोग एवम् एचआइभी/एड्स सेन्टर भक्तपुरले सन् २०२१ मा आयोजना गरेको पेन्टिङ प्रतियोगितामा पनि प्रथम स्थान हासिल गर्नुभएको थियो । उहाँले स्नातक तहमा उत्कृष्ट अङ्क प्राप्त गरी प्रशान्त प्रतिभा छात्रवृत्ति समेत प्राप्त गर्नुभएको थियो ।
उहाँले नया पत्रिका दैनिक, रुरल रिकन्सट्रक्सन नेपाल, बोटल टेक्नोलोजी, बर्नस् भोइलेन्स सर्भाइभर्स नेपाल लगायतका संस्था र प्रतिष्ठानसँग पनि चित्राङ्कनका काम गर्नुभएको छ । उहाँले परिचय पब्लिकेसनसहित विभिन्न प्रकाशन गृहसँग पनि काम गर्नुभएको छ । उहाँले आधा दर्जन बढी सामुहिक कला प्रदर्शनी र धेरै प्रतियोगिताहरूमा समेत सहभागिता जनाउनु भएको छ ।
उहाँ ललितकलाका विभिन्न विधा साथै पुस्तक निर्माण र चित्राङ्कन विषयका विभिन्न कार्यशालामा सहभागी हुनुभएको छ ।
सम्पर्क - [email protected]
Read More
