Menu
समय 130.00

समय

  • Writer:गोबिन्द आचार्य
  • Illustrator:जेनी नकर्मी
  • Genre:सचित्र बालकविता
  • Language:नेपाली
  • First Published:2073
  • Pages:16+4
  • ISBN:978-9937-664-29-5
  • Description

    सेकेन्ड, मिनेट, घन्टा, दिन, हप्ता, महिना र वर्षबारे कवितात्मक रूपमा उल्लेख गरिएको पुस्तक । यसमा कवितालाई सहज रूपले प्रष्ट पार्न सान्दर्भिक चित्रहरूसमेत राखिएका छन् । कक्षा २ का बालबालिकाले स्वतन्त्र रूपमा पढ्न सक्छन् । बालबालिकाले गाउँदै समयका इकाइहरू – सेकेन्ड, मिनेट, घन्टा, दिन, रात, हप्ता, महिना र वर्षका बारेमा सिक्न सक्छन् ।

    गोबिन्द आचार्य

    गोबिन्द आचार्य

    About the Author

    लामो समय पत्रकारितामा सक्रिय गोबिन्द आचार्य एक दशकअघिबाट शिक्षण सिकाइ सामग्रीको उत्पादन र प्रयोगका साथै प्रारम्भिक कक्षा पढाइसम्बन्धी परामर्श र बालसाहित्य लेखन एवम् प्रवर्द्धनमा सक्रिय हुनुहुन्छ ।

    २०३४ साल पुस १८ गते सिन्धुलीको सितलपाटीमा जन्मनुभएका आचार्य विभिन्न कालखण्डमा नयाँ सडक दैनिक, कान्तिपुर एफ् एम्, कान्तिपुर टेलिभिजन, नागरिक दैनिक, सेतोपाटी र एपिवान टेलिभिजनमा आबद्ध रहनुभयो । हाल उहाँ परिचय पब्लिकेसनमा निर्देशकको रूपमा सक्रिय हुनुहुन्छ ।

    उहाँका 'भुक्यो कुकुर', 'समय', 'मेरो पहिलो किताब', 'अक्षर लेखौँ' शिर्षकका पुस्तकहरू प्रकाशित छन् । उहाँले सहलेखन गर्नुभएका पुस्तकहरू 'अक्षरका गीत', 'आधा आधा आलु' 'गाउँदै गन्दै खेल्दै' पनि उपलब्ध छन् । उहाँले 'लुम्बिनी', 'स्वर्गद्वारी' र 'गाईजात्रा'का बारेमा बालबालिकाका लागि तयार पार्नुभएका तथ्य पुस्तकहरू पनि प्रकाशित छन् । उहाँले अनुवाद गर्नुभएका 'दयालु माकुरा' र 'हाम्रो सुन्दर संसार' पनि प्रकाशन भएका छन् ।

    उहाँ पुस्तकहरूको सम्पादनमा पनि सक्रिय हुनुहुन्छ । त्रिभुवन विश्वविद्यालयबाट नेपालीमा स्‍नातकोत्तर पूरा गर्नुभएका आचार्य प्रारम्भिक कक्षा पढाइसम्बन्धी तालिमहरू सञ्चालनमा पनि सक्रिय हुनुहुन्छ । उहाँसँग परामर्शदाताका रूपमा रुम टु रिड, सेभ द चिल्ड्रेन जस्ता संस्थासँग काम गरेको अनुभव छ ।

    Read More