दीपक गौतम
Our Illustrator
दीपक गौतम चर्चित इलस्ट्रेटर साथै कार्टुनिष्ट हुनुहुन्छ । २०३७ साल कार्तिक २६ गते भोजपुरमा जन्मनुभएका गौतम चित्रकारिता र गीतसंगीतमा उत्तिकै अभिरुची राख्नुहुन्छ । उहाँले लामो समय कान्तिपुर पब्लिकेसनमा इलस्ट्रेटर र कार्टुनिष्टको रुपमा काम गर्नुभयो ।
त्रिभुवन विश्वविद्यालय ललितकला क्याम्पसबाट स्नातक तहको अध्ययन पुरा गर्नुभएका गौतमसँग एभेन्यूज एडभर्टाइजिङ एजेन्सी, रुम टु रिड, जाइका आदिमा काम गरेको अनुभव समेत छ । उहाँले कार्टुनिष्ट क्लबले सन् २०१५ आयोजना गरेको कार्टुन प्रदर्शनी साथै नेपाल ललितकला प्रज्ञा प्रतिष्ठानले सन् २०१३ २०१४ र २०१६ मा आयोजना गरेको राष्ट्रिय प्रदर्शनीहरुमा सहभागीता जनाउनु भएको छ । उहाँले २०७२ सालमा नेपाल ललितकला प्रज्ञा प्रतिष्ठानले आयोजना गरेको राष्ट्रिय कला प्रतियोगीता एवम् प्रदर्शनीमा प्रथम पुरस्कार प्राप्त गर्नुभएको छ भने अन्य धेरै प्रतियोगीताहरु पुरस्कृत हुनुभएको छ ।
उहाँले 'झिल्केको फिरेन बुद्धि', 'कालेको जन्मदिन' जस्ता बाल पुस्तकहरुमा चित्र बनाउनुभएको छ भने 'बाटोपारि भेट', 'डुङ्गामा चङ्गा', 'खुत्रुके कारखाना' लगायतका पुस्तकहरुमा चित्र सम्पादकका रुपमा काम गर्नुभएको छ । उहाँको 'मनका कुरा' र 'धर्को' नामाका गीति एल्वम् समेत छन् ।
सम्पर्क - [email protected]
Books from the Illustrator दीपक गौतम
