पल्पसा मानन्धर
Our Illustrator
पल्पसा मानन्धर २ दशकदेखि ललितकलाका क्षेत्रमा सक्रिय कलाकार हुनुहुन्छ । ललितकलामा स्नातकोत्तर गर्नु भएकी मानन्धरले नेपाल बालसाहित्य समाजबाट २०७५ सालमा सर्वोत्कृष्ट चित्रकारको पुरस्कार प्राप्त गर्नुभएको छ ।
कार्टुनिष्ट क्लबको सदस्य रहनुभएकी मानन्धर कोपिला किताब पब्लिकेसनकी प्रमुख कार्यकारी निर्देशक पनि हुनुहुन्छ । उहाँले चित्रकारका रुपमा सेभ द चिल्ड्रेन कारितास नेपाल र अष्ट्रिलया कोशिस नेपाल लगायतका संघ संस्था र थुप्रै प्रकाशन गृहहरूसँग काम गर्नुभएको छ ।
उहाँले परिचय पब्लिकेसनका लागि बालउपन्यास 'अँध्यारो कोठा' र चित्रकथा 'मेरो कामना'मा चित्राङ्कन गर्नुभएको छ । इन्टरनेसनल बोर्ड अन बुक्स फर योङ पिपल –आइबिबिवाइको डेनमार्कमा सम्पन्न सम्मेलन सहित डेनिस चिल्ड्रेन्स लिट्रेचर वर्कशपमा समेत सहभागी हुनुभएको छ । उहाँ नेपाल बालसाहित्य समाज र रुम टु रिडले आयोजना गरेका बालसाहित्य तथा चित्रकलासम्बन्धी धेरै कार्यशालाहरूमा पनि सहभागी हुँदै आउनुभएको छ ।
सम्पर्क - [email protected]
Books from the Illustrator पल्पसा मानन्धर
